Gabbi Garcia sa fight scene kay John Arcilla sa 'Sang'gre': 'Super worth it'
Around GMA
Around GMA
Straight from the Expert: Lechon after the celebration (Teaser) NAPOLCOM declares zero case backlog Over 130 families at Tent City in Cebu get Christmas giftsArticle Inside Page
Showbiz News
Paboritong fight scene ngayon ni Gabbi Garcia ang unang paghaharap nina Hara Alena at Hagorn sa 'Sang'gre.'
Proud si Gabbi Garcia sa kinalabasan ng fight scene nina Hara Alena at Hagorn sa ika-135 episode ng Encantadia Chronicles: Sang'gre noong Biyernes, December 19.
Sa nasabing episode, nakaharap na ni Hara Alena si Hagorn (John Arcilla), na pinagtangkaan siyang paslangin.
Talaga namang makapigil hininga ang sword fight scene na ito nina Hara Alena at Hagorn. Namangha rin ang manonood sa husay na ipinamalas ni Sang'gre Alena sa laban kung saan kahit wala na sa kanya ang Brilyante ng Tubig ay nagagamit niya pa ring mabuti ang kanyang elemento.
Sa Facebook, ikinuwento ni Gabbi kung gaano ka-worth it sa kanya i-shoot ang fight scene na ito kasama si John Arcilla.
"Felt like a full workout shooting this scene. Super worth it though! Definitely my fave fight scene so far! Especially with the iconic Hagorn!!! Kuya @johnarcilla," sulat ng aktres.
Nagpasalamat din si Gabbi sa mga director ng Sang'gre na sina Enzo Williams at Rico Gutierrez.
Patuloy na subaybayan si Gabbi Garcia bilang Hara Alena ng Lireo sa Sang'gre, Lunes hanggang Biyernes, 8:05 p.m. sa GMA Prime at 9:45 p.m. sa GTV.
