Around GMA

Article Inside Page

Masaya si Kapuso Soul Balladeer Garrett Bolden na mga kanta niya ang ginagamit na soundtrack ng magkasunod na teleserye ng GMA Telebabad na I Left My Heart in Sorsogon at The World Between Us.

Original composition ni Garrett ang kantang "Our Love" ng I Left My Heart in Sorsogon samantalang nakipag-collaborate naman siya kay Thea Astley para sa kantang "Ang Aking Awitin" para sa The World Between Us.

"Sobrang thankful ako sa mga proyektong ipinagkakatiwala sa akin ng GMA and 'yung mga kuwento ng mga teleseryeng ako ang kumanta ng OST are really good," saad ni Garrett sa GMANetwork.com.

"Plus the lead actors are great actors like Ms. Heart Evangelista and Alden Richards. I feel honored and really blessed."

Ginagampanan ni Heart Evangelista ang bida ng I Left My Heart in Sorsogon na si Celeste samantalang si Alden naman ang bida sa The World Between Us bilang si Louie Asuncion.

Sa katunayan, napahanga ni Garrett si Heart dahil sa kanyang galing sa pagkanta.

"I really don't know how to say this pero she's one of the Kapuso stars na hindi ko pa nakikita in person pero I admire her so much," pag-amin ni Garrett.

"'Yung message niya sa akin na 'You are amazing' when I read it, parang sasabog 'yung puso ko."

Dagdag ni Garrett, isa sa mga pangarap niya ang umawit ng kanta para kina Alden at Bea Alonzo.

"If I were to write and sing another teleserye theme song, siguro it would be a story about betrayal or longing for love or hoping for someone to love you back," saad ni Garrett.

"And wish ko rin makakanta ng song for Bea Alonzo and Alden Richards."

Simula November 29, mapapanood na ang Stories From the Heart: Love On Air na pinagbibidahan ng real-life Kapuso couple na sina Gabbi Garcia at Khalil Ramos kung saan si Garrett din ang kumanta ng soundtrack.