Gazini Ganados, agaw-atensyon sa MGI All Stars sashing ceremony
Around GMA
Around GMA
Too hot to function? ImmuniPlus wants to be part of Filipinos’ ‘summer’ routines EXPLAINER: What is IELTS? Here's why Filipinos need it for studying or working abroad This coffee chain just gave its matcha drinks a creamier, richer upgradeArticle Inside Page
Showbiz News
Kung papalarin, si Gazini Ganados ang magiging unang winner ng MGI All Stars pageant.
Agaw-atensyon ang Sparkle artist na si Gazini Ganados sa MGI All Stars pageant, salamat sa kanyang pasabog na entrance sa sashing ceremony ng international pageant.
Nagupload ng Reel si Gazini sa kanyang Instagram account kung saan makikita siyang naglalakad sa runway suot ang isang golden bikini, at pagkatapos noon ay isang kumikislap na damit na gawa ng designer na si Pam O' Keefe. Sa caption, isinulat ni Gazini na siya ay “starstruck” pa rin mula sa sashing ceremony, at hindi pa rin siya maka-get over sa “magic, the energy, and the moment.”
RELATED GALLERY: Gazini Ganados is ready to be the first MGI All Stars winner
Ang sashing ceremony ang pinaka-recent na aktibidad kung saan agaw-atensyon si Gazini. Kamakailan lamang ay inilabas ng Miss Grand International organization ang halos two-minute long introduction video ni Gazini, tampok ang ilang mga eksena sa iba't ibang lugar sa bansa, kasama na rin ang mga eksena mula sa mga natural disasters na tumama sa Pilipinas at pati na rin mga eksena mula sa nangyayari sa Palestine.
Sa Reel, inilarawan ni Gazini ang kanyang sarili bilang “a woman not divided by heritage, but empowered by it,” patungkol sa kanyang estado bilang Filipina-Palestinian. Inilarawan din niya ang kanyang sarili bilang “a story still unfolding.”
Ibinahagi na noon ni Gazini sa GMA Lifestyle na ang pagpapaliwanag ng kanyang ama tungkol sa sitwasyon sa Palestine ang nakatulong sa kanyang paghilom at pag-unawa sa kanyang Filipino-Palestinian heritage.
“The past year has allowed me to grow and heal and understand myself beyond the titles, beyond the glitz and glam,” paliwanag niya. “I am ready to represent myself, my identity, with intention, and that is as a Filipina-Palestinian, who is still experiencing the gravity of the war in Palestine.”
Nangako rin si Gazini sa kanyang fans and supporters na makakaasa sila ng malakas na performance mula sa kanya.
“I am more excited because this time around, I know myself more, my core, my values, my identity, especially my purpose,” pagbabahagi niya. “I am more prepared physically, mentally, and emotionally this time. I've discovered so much of my self already and I am going to share that with the global stage this time around.”
Check out Gazini Ganados' fashion at MGI All Stars
Hindi lamang si Gazini ang beauty queen na dala ang bandera ng Pilipinas sa pageant. Kabilang rin sila Imelda Schweighart, Keylyn Trajano, Alexia Nuñez, at Fuschia Anne Ravena.
Gaganapin ang MGI All Stars coronation night sa May 30.
