Around GMA

Article Inside Page

Winelcome ni Geneva Cruz ang 2022 na may bagong TV soap opera, ang GMA afternoon drama na Little Princess.

Acting comeback ni Geneva ang Little Princess matapos siyang huminto sa pag-arte para mag-focus sa kanyang singing career.

Ayon sa singer/actress sa virtual media conference ng Kapuso series noong January 5, naimpluwensyahan siyang bumalik sa pag-arte ng kanyang mga pinsan na sina Sunshine at Donna Cruz, at Rodjun Cruz na co-star niya si Little Princess.

Bahagi ni Geneva, "No'ng sinabi sa 'kin nang aking mahal na assistant na may leading daw ako for a new show ng GMA na Little Princess, sabi ko talaga ko, 'Ako, aarte ulit?'

"Kasi six years akong nawala and in the past kasi I chose to perform and sing kaysa umarte.

"'Yung pagmamahal ko kasi sa singing ay nasa pag-perform...

"Pero ang buhay ngayong pandemic, mahirap lalo na sa mga performers like me dahil wala namang mga live performances, 'di ba, unless it's online.

"So I realized din na sa tulong din ng mga pinsan ko like Sunshine and Donna, and si Rodjun, sinabi nila sa sa 'kin na it would be best na bigyan ko ng chance 'yung pag-arte ulit."

Sa Little Princess, si Geneva ang main kontrabida sa buhay ng bidang si Princess, na bibigyang-buhay ni Jo Berry. Lalabas si Geneva bilang Odessa Montivano, asawa ni Marcus Montivano (Jestoni Alarcon). Their marriage starts to fall apart dahil sa pagkamatay ng kanilang anak.

Aminado si Geneva na nangapa siya sa kanyang muling pag-arte lalo na at malayo sa personalidad niya ang kanyang character.

Kuwento niya, "Sabi nga ng PA ko, 'Gen, bagay na bagay daw talaga sa 'yo 'yung role mo e, ikaw daw talaga.' Sabi ko, 'ano bang role ko?' Sagot niya, 'Ah, villain ka, kontrabida.' Sabi ko, teka muna 'di ko alam kung matutuwa ako diyan.'

"I guess in a way, people see me as this very strong woman. Yes, it's true, I've been through hell and back but Odessa Montivano is different from the real Geneva Cruz."

Patuloy niya, "Geneva Cruz is just a dork, I am nerd in real life. Feeling ko komedyante ako.

"I mean, you can ask 'yung mga kasama ko dito, I'm so different from what you see online and on TV, so nahirapan talaga ako so I was really got challenged."

Buti na lang daw ay helpful sa kanya ang kanyang co-stars tulad ni Angelika Dela Cruz, at maging ang mga direktor ng Little Princess na sina L.A. Madridejos at Don Michael Perez.

Dagdag ni Geneva, "Angelika, one of the best actresses that we have in this country, she helps me a lot and all of the directors, Direk LA, si Direk Don.

"Sinabi ko talaga sa kanila, please tell me kung anong kulang kasi talagang nag-struggle ako nang konti, na-stress ako.

"I love yoga, talagang I always try to find my center, It was difficult but, at the end of the day, I learned so much and Odessa may be evil but she is just a woman in love who is fighting for her husband, fighting for her right as a wife, and number one, she lost her child with the man she loves..."

Bagamat nahirapan sa kanyang role, mas nangingibabaw pa rin ang pagiging grateful ni Geneva dahil sa kanyang latest TV project.

"It was a blessing and I'm grateful to GMA-7. Last year was really bitter sweet, I lost my mother from Covid. It was really difficult. Mom was a lover of teleseryes.

"I've never finished a teleserye in my life so nangapa talaga ako but I enjoyed it and thank you so much GMA-7 for this opportunity..."

Mapapanood ang Little Princess mula Lunes hanggang Biyernes, simula January 10, sa ganap na 3:25 p.m. sa GMA.