Gloria Romero, binigyang-pugay ng netizens
Around GMA
Around GMA
Suansing: P10-billion budget hike for House for members’ personnel, office needs Family seeks justice after child killed in Dagupan explosion P-pop boy group VXON announces first concertArticle Inside Page
Showbiz News
Bukod sa celebrities, nagbigay-pugay rin ang netizens sa Queen of Philippine Cinema na si Gloria Romero.
Isa si Gloria Galla Gutierrez, na mas kilala bilang Gloria Romero, sa mga artista sa Pilipinas na lubos na minahal, sinuportahan, at talaga namang sinubaybayan ng Pinoy viewers.
Kasunod ng malungkot na balita tungkol sa pagpanaw ni Gloria, usap-usapan ngayon sa social media ang kontribusyon ng veteran actress sa entertainment industry.
RELATED CONTENT: Celebrities pay tribute to the Queen of Philippine Cinema Gloria Romero
Gaya ng maraming Pinoy celebrities, taos-puso ding nagbigay-pugay ang fans at netizens sa tinaguriang Queen of Philippine Cinema.
Sa Unang Hirit nitong Lunes, January 27, inilahad ang kabi-kabilang posts sa social media tungkol kay Gloria.
Ang netizen na si Lorena Ledda, nagpasalamat sa ipinamalas na husay ng aktres sa pagganap sa kanyang iba't ibang roles sa telebisyon at pelikula.
Ayon naman sa isa sa napakaraming tagahanga ni Gloria na si Anna Liza Chua, “From old movies, comedies, kahit kontrabida pa, she'll always be a favorite and will be missed.”
Matatandaang kinumpirma ng nag-iisang anak ni Gloria na si Maritess Gutierrez ang pagpanaw ng aktres noong January 25 ng hapon.
Binawian ng buhay ang batikang aktres sa edad na 91.
