Around GMA

Judy Ann Santos and her kids meet Chris Hemsworth
World Travel Expo Year 10 opens in Cagayan de Oro, bringing focus back to the travel plans people keep delaying
The Father Who Never Leaves

Article Inside Page

Showbiz News

Anu-ano kaya ang tinilian at kinakiligan ng mga Kapuso sa 60th anniversary concert ng GMA?
Anu-ano kaya ang tinilian at kinakiligan ng mga Kapuso sa 60th anniversary concert ng GMA? Ginayakan ng mga naglalakihang Kapuso stars ang anniversary concert ng GMA entitled GMA at 60, The Heart of Television noong June 18 sa Araneta Coliseum. Isang gabi ng sayawan, kantahan, at celebration ang inihandog ng GMA at ng mga stars nito para sa mga Kapuso na dumagsa sa Araneta noong gabing ‘yon. To start the night, nagkaroon ng video presentation about GMA's history: mula sa humble beginnings ng TV network bilang isang maliit na radio station noong 1950s hanggang sa pagiging leading television network nito 60 years after. Sinabayan naman ito ng engrandeng opening number na pinangunahan ng Asia’s songbird Regine Velasquez kasama ang iba pang Kapuso stars upang balikan ang anim na dekada ng GMA. Ang unang nagpakitang-gilas ay ang grupo ng KiliTV sa pamamagitan ng isang nakakatawang dance number sa kantang “O Sole Mio” na kinanta ng dalawa sa respetadong comedians ngayon na sina Michael V at Ogie Alcasid. Buong pagmamalaki ring inihandog ng KiliTV ang Bubble Gang na longest running gag show ngayon sa Pilipinas. Musical tribute naman ang inihandog ng Sinenovela at Telebabad stars para sa mga masusugid na tagasubaybay nila. Dito ipinakita nila ang most memorable characters na minahal ng mga manonood, tulad nina Maxene Magalona bilang Jessa sa Una Kang Naging Akin, Jean Garcia bilang Alvina sa Ina, Kasusuklaman Ba Kita? para sa mga Sinenovela. Sila Marian Rivera bilang Darna at Iza Calzado bilang Amihan sa Encantadia para naman sa Telebabad. Isa rin sa ipinagmalaki ng GMA ang paghubog nito sa mga kabataang nakitaan nila ng potentials at binigyan ng career sa showbiz. Ipinakita ng Kapuso Network ang napakaraming homegrown talents nito sa isang production number na punung-puno ng mga pinaka sikat na young stars ngayon, tulad ng Starstruck grads, Popstar Kids, at ilan sa cast ng First Time. Video presentation naman ang inihandog ng GMA News and Public Affairs led by its pillars Jessica Soho, Vicky Morales, Howie Severino, Arnold Clavio, Mel Tiangco, and Mike Enriquez. Isang walang kinikilingan at walang pinoprotektahang pagbabalita ang ipinangako ng most-respected and most-awarded news organization para sa mga manonood nito. Matapos ang video presentation ay kinanta naman ni Kuh Ledesma at ng Sugarfree ang theme song ng News and Public Affairs na Panata. Kasabay ng celebration ng 60th anniversary ng GMA Network ay ni-launch rin ang tatlong bagong palabas sa GMA na siguradong aabangan na naman ng mga Kapuso viewers. Nangunguna na rito ang Trudis Liit na pagbibidahan ng cute na cute na si Jillian Ward, ang Survivor Philippines: Celebrity Edition with Richard Gutierrez as host, at ang pinaka aabangang remake ng Endless Love. Tinilian at ikinakilig pa lalo ng mga tao sa paghahandog ng real life couple na sina Dingdong Dantes at Marian Rivera ng isang special dance number to the tune of Endless Love, na title rin ng kanilang pagbibidahang drama series. Bukod sa mga bigating production numbers na inihanda ng Kapuso network ay nagbigay rin ng isang song and dance number ang sikat na K-Pop group na Beast na siyang nagpa-excite at nagpasaya pa lalo sa mga tao. To close the celebration ay kinanta nila Janno Gibbs at Ogie Alcasid ang anniversary theme songs ng GMA Network for the past years, kasama ang 60th anniversary theme song nito entitled Tagumpay ng Kapuso. Did you miss this event? Don't worry dahil mapapanood ninyo ang bonggang celebration na ito entitledGMA at 60, The Heart of Television on June 27, Sunday sa SNBO, pagkatapos ng Kap’s Amazing Stories. Pag-usapan ang anniversary ng GMA sa mas pinagandang iGMA.tv Forum! Not yet a member? Register here!