GMA Network at Regal Entertainment, sanib pwersa sa ilang proyekto ngayong taon
Around GMA
Around GMA
Residents in Bataraza, Palawan capture 14-foot saltwater crocodile #WilmaPH continues to move slowly east of Borongan City GMA Pinoy TV Supports OFW Empowerment at the 17th PHILSME Business ExpoArticle Inside Page
Showbiz News
Matapos ang tatlong dekada, mas pinatibay pa ng GMA Network ang relasyon nito sa Regal Entertainment
Tatlong dekada na ang partnership ng GMA Network at Regal Entertainment.
Mas pinatibay pa ng mga institusyong ito ang kanilang relasyon sa panibagong pagsasanib pwersa na magdadala ng maraming mga proyekto na maaaring abangan ngayong 2021 at maging sa susunod pang mga taon.
Tatlong channels, GMA-7, GTV at Heart of Asia, ang kabilang sa tinaguriang "biggest partnership to date" ng GMA Network at Regal Entertainment.
Isinagawa ang isang virtual contract signing noong September 7 kung saan dumalo sina GMA Chairman and CEO Atty. Felipe L. Gozon, GMA President and COO Gilberto R. Duavit Jr., GMA Executive Vice President and CFO Felipe S. Yalong, GMA Films Inc. President and Programming Consultant to the Chairman and CEO Atty. Annette Gozon-Valdes, First Vice President for Program Management Department Jose Mari "Joey" R. Abacan, Regal Entertainment COO and Vice President Roselle Monteverde at Regal Entertainment CEO and President "Mother" Lily Monteverde.
Ang upcoming weekly anthology na Regal Studio Presents, na may special primetime premiere na nakatakda sa September 11, ay simula pa lang ng lahat ng mga dapat abangan sa bagong collaboration na ito.
Mapapanood din ang hit Boys Love o BL series na Ben x Jim sa Heart of Asia simula September 26.
Kasalukuyang na rin napapanood ang past hit movies ng Regal sa Regal Treasures na umeere sa GTV channel.
"Talagang matagal na itong ating pagsasama sa Regal. Ang Regal ay isa sa pinaka magaling na mag-produce ng pelikula. At ngayon we will go into co-production of TV shows. With that as a background, I don't see anything but success in the future out of this relationship," pahayag ni Chairman Gozon.
Ginunita naman ni Mother Lily ang dekada na niyang magandang relasyon sa GMA at maging sa yumao at mabuting kaibigan na si German "Kuya Germs" Moreno.
"I'm very excited. Since the beginning, talagang I have always been a very very dear friend to Kuya Germs. We help one another. Now I'm here with GMA, I'm so proud," pahayag ng Regal matriarch.
Samantala, abangan ang special primetime premiere ng Regal Studio Presents na "That Thin Line Between," tampok sina Ken Chan and Sanya Lopez, sa September 11, 8:30 pm sa GMA!
