Around GMA

Article Inside Page

Patuloy na nagsisilbing inspirasyon sa mga manonood ang mga programa at coverages ng GMA Network dahil humakot ito ng parangal sa 46th Catholic Mass Media Awards.

Sa report ni Jamie Santos sa Unang Balita nitong Huwebes, November 21, nabigyan ng papuri ang ilang mga programa at coverages ng GMA Network sa online, television, at radio categories.

Sa Online category, nanalo ng Best News Coverage ang A Constitution named Freedom: The Interim Charter Under Cory Aquino nina Llanesca Panti at Hana Bordey.

Nakuha rin ng GMA News Online ang Best Investigative Report (online category). Pinarangalan dito ang 'Wombs for Rent' ni Marco Romas.

Sa Television category, binigyan naman ng special citation na Best News Program ang GMA Regional TV One Mindanao.

Pahayag ni anchor Sarah Hilome-Velasco, "Maraming salamat po sa CMMA. Ito po ay alay naming sa lahat ng mga Mindanaoan na nagbahagi ng kanilang kuwento sa amin.”

Nanalo naman ng Best Public Service Program ang Kapuso Mo, Jessica Soho (KMJS), habang ang Agripreneur ay nagwagi sa Best Adult Educational/Cultural Program.

Nanguna naman sa Best Drama Series ang Lilet Matias, Attorney-at-Law. Nagkaroon rin ng special citation sa Best Drama Series ang Magpakailanman.

Sa Radio category, nanalo ang DZBB Super Serbisyo, Trabaho at Negosyo ng Best Business News.

"Ang ganito pong klase ng parangal ang mas higit na nagpapalakas sa amin para magampanan po naming ang aming tungkulin na pagbibigay ng serbisyong totoo," sabi ni host Norilyn Temblor.

Congratulations, mga Kapuso!