Around GMA

Article Inside Page

Nananatiling loyal Kapuso ang global fashion icon na si Heart Evangelista matapos ang kanyang contract renewal sa Sparkle GMA Artist Center ngayong Martes (August 11).

RELATED GALLERY: Global fashion icon Heart Evangelista renews contract with Sparkle

Sa latest episode ng Fast Talk with Boy Abunda, ibinahagi ng King of Talk na si Boy Abunda na nakapanayam ng kanyang team si Heart. Sa kanilang pag-uusap, aniya'y binawi ng aktres ang naging pahayag niya sa programang The People Have Spoken.

“Ibig sabihin ko-if I can explain- I'd rather have a handful of friends than an army of acquaintances. Kapag sinabi mo kasing friends, parang friends lang. Iba 'yung parang tinrato mong pamilya.

“Pero sa totoo lang, para sa akin, babawiin ko 'yon. I'd rather have my family and my real friends, then a lot of money. Pero kung sabay, okay din,” paliwanag niya.
Dagdag ni Tito Boy, nauunawaan niya ang opinyon ng Kapuso host.

“Minsan talaga pabiro 'yan. Sometimes you want to be funny, kaibigan or pera,” aniya. “But it's nice to have both. You can work hard for the money and then you work hard at friendships. Importante 'yan," aniya.

Matatandaan na sa isang episode ng The People Have Spoken, sinagot ni Heart ang tanong na “Anong mas nakakalungkot? Wala kang kaibigan o wala kang pera?”

“Wala naman akong kaibigan. Basta may pera, okay na ako,” aniya na natawa ang nasa studio.

“Konti lang mga kaibigan ko, 'yung mga kaibigan ko, ayan kayo, Iya (Villania), Camille Prats, si Ms. Kris (Bernal), oh ganyan. Tapos hindi pa tayo nagkikita-kita. E 'di mas gusto ko, may pera ako,” pabiro niyang dagdag.

Mapapanood si Heart sa The People Have Spoken tuwing Sabado, 6:15 p.m. sa GMA. Mapapanood din ito via Kapuso Stream sa official accounts ng GMA at YouLOL.

SAMANTALA, TIGNAN ANG NAGANAP NA CONTRACT SIGNING NI HEART EVANGELISTA SA SPARKLE SA GALLERY NA ITO.