Around GMA

Article Inside Page

Stronger, braver, at bolder ngayon si Heart Evangelista matapos siyang pagtibayin ng mga nagdaang pagsubok sa kanyang buhay.

Sa eksklusibong panayam ni Nelson Canlas sa 24 Oras kagabi, February 11, ikinuwento ni Heart kung paano niya hinarap ang itinuturing niyang isa sa mga madidilim na bahagi ng buhay niya.

Nitong mga nakaraang buwan, masasakit na mga salita ang natatanggap ni Heart sa social media.

Aniya, "In life, you go through different kinds of bigat na attention as we get older. When you're in the industry and fly very close to the sun, you get burned from time to time. But as you age, you gain wisdom from everything, so tumataas nang tumaas yung immunity mo. Siguro yun yung sukatan kung bakit ako nakatayo now."

Ayon kay Heart, mas nagpo-focus siya kanyang sarili ngayon.

"I think, I really truly live for myself even more now because alam ko kung mararating ko yung mga pangarap ko, alam ko kung ipagpapatuloy ko yung pinagtrabahuhan ko ng 28 years, mas marami pa akong magagawa sa mundo, and that for me is just for myself."

Dagdag pa ni Heart, malaking parte ito ng kanyang healing.

"I really needed to heal myself and focus on myself because it's my career and my dream and nobody else's."

Related gallery: #PinagbiyakNaBunga: Heart Evangelista and her mom Cecilia Ongpauco

Sa kabila ng mga kontrobersiya, mas iniingatan ni Heart ngayon ang kanyang relasyon sa mga taong nagma-matter sa kanya, lalo na ang relasyon niya sa kanyang ina na si Cecilia Ongpauco.

Sabi niya, "The silver lining of this situation is the relationship with my mom. Talagang bumalik kami sa parang dati. And again, mind you, she's my original momager. I needed that solid backbone to be inserted again."

Dugtong pa niya, "Siya na yung ano ko, comfort blanket."

Ilalahad ni Heart ang iba pa niyang pinagdaraanan ngayon sa second season ng Heart World na mapapanood tuwing Sabado, simula March 7, sa GMA.

"Isa siyang roller coaster this season but the beauty about our reality show is that it really presents what's really happening and I'm preparing to present that. And I've always been very transparent naman. So yeah, you will see what can be entertaining for some, but can be dangerous for me."

Panoorin ang buong report sa video sa ibaba.