Heart Evangelista, nag-audition para maging love team ni John Prats
Around GMA
Around GMA
NBA: Shai Gilgeous-Alexander, Thunder eke out sweep-sealing win over Lakers Museo del Galeón is offering free guided tours this May Juvenile PH eagle spotted in Davao CityArticle Inside Page
Showbiz News
Sina Heart Evangelista at Angel Locsin ang pinagpipilian noon na maging love team partner ni John Prats, pero napunta ang oportunidad sa una.
Muling nagkita ang dating love team na sina Heart Evangelista at John Prats nang mag-guest ang huli sa latest episode ng Heart World.
"Surreal" para kay John ang kanilang reunion ni Heart, na halos 20 taon na niyang hindi nakikita.
Aniya, "Sobrang blessed talaga ako na nangyari 'to kasi alam mo 'yung 'di mo naman s'ya pinangarap na pero nangyari pa rin. And super excited ako kasi 'di rito matatapos 'tong journey na 'to."
Isa sa mga popular na love team noong early 2000s ang tambalan nina Heart at John. Napanood sila sa ABS-CBN youth-oriented series na G-Mik, kung saan gumanap sila bilang Missy at Yuan.
Ayon kay John, sa dami nang ipinareha sa kanya, kay Heart siya pinaka-nag-click. "Ang daming pina-try sa 'kin na love team, and then they had auditioned for my love team at nagulat ako kasi someone reminded me na dalawa sila na katabi ko, si Angel Locsin yung isa. 'Di sya nakuha kasi matangkad s'ya sa'kin."
Pag-amin ni Heart, dati pa man ay crush na niya si John kaya hindi siya nagdalawang isip na pumila sa audition para maging onscreen partner ng aktor.
Sabi niya, "Pumila ko nang ilang oras do'n sa studio. Talagang pinilahan ko 'yun kasi I really wanted to be his love team, as in dying so talagang hinope ko."
Ayon kay John, tama ang kanilang naging desisyon dahil naging natural ang chemistry nila ni Heart, na nagdala sa kanila sa kasikatan.
"Parang siguro may nakita sila na physically na nag-jive kasi talaga no'ng love team namin, wala na kaming formula no'ng time na yun. I don't remember na trinabaho natin s'ya, Heart.
"Nag-match yung pagkakanal ko saka 'yung kasosyalan n'ya. Nag-match yung gano'ng dynamics na like growing, aminin ko, jologs talaga 'ko. Yun 'yung lalaki na pilyo, alam kong pilyo talaga 'ko."
Panoorin ang panayam ni Heart kay John sa Heart World sa video sa ibaba.
Mapapanood ang Heart World tuwing Sabado, 9:30 ng gabi sa GMA.
Available ang episodes, highlights, at iba pang exclusive content ng Heart World sa GMANetwork.com at sa GMA Play, ang official video streaming app ng GMA Network.
Ipinapalabas din ang reality series sa GMA Pinoy TV.
RELATED FEATURE: Heart Evangelista's throwback photos that inspire nostalgia
