Around GMA

Article Inside Page

Panibagong side ni Heart Evangelista ang mapapanood sa kanyang kauna-unahang paglabas sa Family Feud ngayong Lunes.

Ngayong May 18, ang kilalang global fashion icon, aktres, at visual artist na si Heart ay sasabak sa pinakamasayang family game show sa buong mundo.

Pangungunahan ni Heart ang Team Heart na binubuo ng kanyang mga matagal nang collaborators na tumutulong sa pagbuo ng kaniyang signature looks.

Kabilang sa Team Heart ang stylist niyang si Iza Sim, ang makeup artist na si Memay Francisco, at hairstylist na si Ghil Sayo.

PHOTO SOURCE: Family Feud

Makakatapat nila ang Team Kimsdiary na pinamumunuan ng influencer at entrepreneur na si Rissiel Kim Abelar, ang CEO ng Kimsdiary platform.

Maglalaro naman sa Team Kimsdiary ang celebrity hairstylist na si Albert Tagud o “Shasha” ang celebrity makeup artist na si Jonathan Velasco, at ang hair and makeup artist na si Kyle Concepcion o “Tita Kyle.”

Abangan kung sino sa dalawang team ang mananaig sa masayang sagutan at hulaan sa fresh episode ng Family Feud ngayong May 18, 5:35 p.m. sa GMA at sa Kapuso Stream.

Tuloy pa rin ang mas pinalawak na “Guess More, Win More” promo ng Family Feud! Network-wide na ang bigayan ng papremyo dahil kasali na rin sa "Guess More, Win More" ang GMA Afternoon Prime at GMA Prime programs na Born to Shine, House of Lies, Apoy sa Dugo, Fast Talk with Boy Abunda, The Sweetest Taboo, The Master Cutter at Never Say Die.