Heath Jornales reacts to 'lethal face card' comments from fans: 'Nagulat nga po ako'
Around GMA
Around GMA
Jimuel Pacquiao scores 1st win with 2nd-round KO of Darrick Gates Suspect in killing of farmer in GenSan nabbed Daig Kayo Ng Lola Ko: Download Mommy (Full Episodes Marathon) | Stream TogetherArticle Inside Page
Showbiz News
Hindi inasahan ni Heath Jornales ang atensyon na nakukuha niya sa fans na nagsasabi mayroon siyang 'lethal face card.'
Sa panahon ngayon, hindi na uso ang matawag na pogi o gwapo basta-basta. Ang pamantayan ng pagkakaroon ng good looks ay kung may face card kang maipapakita. Kaya ganoon na lang ang gulat ni former Pinoy Big Brother Celebrity Collab Edition 2.0 housemate Heath Jornales nang sabihan siyang may face card.
Sa panayam sa vlog ng talent manager at entertainment reporter na si Ogie Diaz, inamin ni Heath na nagulat siya at hindi inasahan ang pag pansin ng netizens sa kaniyang face card.
“Nagulat nga po ako, sinasabi nila online 'yun, nakita ko 'yung mga video, 'Grabe 'yung face card ni Heath.' And I was like 'No, what?' Pero natutuwa po ako na naririnig ko 'yun and I guess it's just another term na 'yung pogi and natutuwa po ako,” sabi ng aktor.
Pag-amin ni Heath, hindi naman siya pressured sa pag-maintain ng face card niya dahil sa huli, siya pa rin iyon at pinipili niyang ipakita kung sino talaga siya sa publiko.
“Kung magulo buhok ko, eh, di, magulo po. And I just try to be me naman po, I don't try to put on too much makeup to maintain, I don't really do skin care, tubig lang po akong ganu'n tapos 'yun, wash off lang tapos punas ng towel,” sabi ni Heath.
BALIKAN ANG ILAN SA MGA STRIKING GOOD LOOKS NI HEATH SA GALLERY NA ITO:
Malaking tulong din umano na hindi siya madaling magkaroon ng eyebags kahit pa madalas ay napupuyat siya sa tapings.
“Nano-notice ko, like hindi siya 'yung super malalang eyebags, pero wala rin po talaga effect gaano 'yung puyat po sa face ko. I don't know why, pero baka po sa future,” sabi ng aktor.
Bukod sa pag-maintain ng kaniyang facecard, hindi rin umano “super pressured” si Heath na sumikat lalo na ngayon na ganap na siyang aktor.
Pero pag amin niya, “Siyempre, there's a bit din kasi I want to meet the expectations of the people din na kung sabi nila sisikat po ako, gusto ko rin naman po din na sumikat po and be successful in this industry, in this career.”
“Kaya I still work hard po para ma-meet ko po 'yung expectations na ganoon po,” pagpapatuloy ni Heath.
