Around GMA

Article Inside Page

Sa kabila ng maganda nilang pagkakaibigan at samahan, aminado sina Herlene Budol at Kevin Dasom na nagkakaroon din sila ng tampuhan at hindi pagkakaunawaan kamakailan.

Sa pagbisita nila sa Fast Talk with Boy Abunda nitong Lunes, kinamusta ni King of Talk Boy Abunda ang araw-araw na kuwentuhan nina Herlene at Kevin. Hirap pa kasi ang Thai-Irish model kasi, mag-Tagalog, habang ang Kapuso actress ay aminadong hirap sa Ingles.

'Pag-amin ni Herlen, noong una ay masakit sa ulo ang kanilang mga kwentuhan.

Pagbabahagi naman ni Kevin, “Depende, normally, mix-mix, you know, because she helped me with my Tagalog a lot and when she doesn't know how to say the sentence in English, [I help].”

Ikinuwento rin ni Herlene ang hindi nila pagkakaunawaan dahil sa pagsasalita ng Ingles at pag-amin ng aktres, may mga pagkakataon na napapalaki niya ang issue. Aniya, pinag-aawayan nila minsan ang ibig sabihin ng isang salita na nagiging dahilan ng tampuhan.

“Parang sinabihan niya ako na parang, 'Stop pretending that you don't know.' Hindi ko naman talaga alam, hindi ako nagpe-pretend na hindi ko alam. Akala niya nagbobo-bobohan ako,” sabi ni Herlene.

Pagpapatuloy pa ng aktres, “Akala niya alam ko, sabi niya, ''Wag, stop pretending you don't know that.' Sabi ko, 'Hindi ko nga alam.' Siyempre, kausap ko siya, so hindi ko ma-Chat GPT. So ayunyung isa sa mga minsan hindi namin napagkakaunawaan.”

Paglilinaw ni Herlene, nareresolba naman nila ito kaagad.

BALIKAN ANG OOZING CHEMISTRY NA IPINAKITA NINA HERLENE AT KEVIN SA GALLERY NA ITO:

Binalikan din ni Boy ang sinabi noon ni Kevin na hindi pamantayan ng katalinuhan kung marunong o hindi magsalita ng Ingles ang isang tao.

Paliwanag ng aktor dito, “No, no, it's just a language. There's what? How many languages in the world? Thousands? Probably thousands.”

Panoorin ang panayam kna Herlene at Kevin sa video sa itaas.