Hershey Neri pokes fun at her bodyguard experience during a movie premiere night
Around GMA
Around GMA
NBA: Lakers keep stumbling, fall to LaMelo Ball, Hornets at home Khalil Ramos is on the digital cover of a men's fashion magazine LIST: LGUs announce class suspension due to #AdaPHArticle Inside Page
Showbiz News
Socially awkward at wala umanong pumapansin, kamusta kaya ang experience ni Hershey Neri na mapaligiran ng marshals?
Hanggang ngayon ay hindi pa rin umano makapaniwala si Hershey Neri na natupad na ang isa sa kaniyang mga pangarap. Kahit kasi maituturing niyang baguhan pa lang siya sa showbiz ay bumida na siya sa isang pelikula.
“Well, kasi siyempre very new ako sa showbiz, it's only my fifth year, tapos kung si Ashley na-manifest niya 'yung calendar girl niya, ako na-manifest ko to star in my first movie. That was last year, so 'yung ang 'Ang Happy Homes ni Diane Hilario' with Angeline Quinto,” pagbabahagi ni Hershey sa Fast Talk with Boy Abunda nitong Huwebes, kasama si Ashley Rivera.
Pero ang lalong nagpa-memorable sa karanasan na iyon ay noong bigyan siya ng bodyguards sa premiere night ng kanilang pelikula.
“Nagulat ako, premiere night, punta kami du'n sa sinehan. 'Pag lapag ko, ang daming marshals. In-escort ako paakyat so apat na escalator 'yun paakyat, 'yung mga tao, nakatingin, 'Sino siya, ano shinop lift niya?'” pag-alala ni Hershey.
Pag-amin pa ni Hershey, hiyang-hiya daw siya dahil ang daming nakapaligid sa kaniya na marshal, ngunit maluwag naman ang dinadaanan nila dahil walang nagkakagulo para sa kaniya.
“Nakakatawa 'yung ang daming nakapaligid sa 'kin tapos wala namang nagkakagulo. Nakakahiya!...Sabi nila para daw ako 'yung nag-shop lift or at least 'yung may hawak ng sa kahera,” sabi ni Hershey.
Paglilinaw pa ng aktres, “Pero naiimagine ko po 'yung sinasabi ng mga tao, mga nanonood, 'Bakit siya nagpapa-bodyguard?' Hindi po ako nagpa-bodyguard, binigyan lang po ako ng bodyguard.”
ALAMIN ANG KWENTO NINA HERSHEY AT ASHLEY NG PAGTUPAD NG KANILANG MGA PANGARAP SA GALLERY NA ITO:
Pinost din ni Hershey sa kaniyang Instagram ang pangyayari, at maging ang kaniyang reaksyon sa pagbigay sa kaniya ng marshals. Sa video, makikitang lighthearted at natatawa lang ang aktres sa kaniyang sitwasyon.
Sa text ng video, inamin din niyang “socially awkward” lang talaga siya.
Hinangaan naman ni King of Talk Boy Abunda ang naging reaksyon ni Hershey sa nangyari.
“It was good because hindi naman self-deprecating, but you made fun of it, ang sarap-sarap panoorin,” sabi ng batikang host.
Panoorin ang panayam kina Hershey at Ashley dito:
