Around GMA

Article Inside Page

Humanda nang muling kiligin at ma-in love ngayong April! Matapos ang matagumpay na pagpapalabas nito sa GMA Heart of Asia, muling magbabalik sa ating mga screen ang phenomenal Chinese drama na Hidden Love, at sa pagkakataong ito, muli natin itong mapapanood sa GMA!

Ang seryeng ito ay hindi lamang nagbigay ng “kilig overload” sa buong mundo, kundi kinilala rin bilang isa sa mga pinaka-pinanood at award-winning dramas sa Asya dahil sa tindi ng chemistry ng mga bida nito na sina Zhao Lusi at Chen Zheyuan.

Umiikot ang kuwento kay Sandy (Zhao Lusi), isang masayahing estudyante na lihim na humahanga sa kaibigan ng kanyang kuya na si Matthew (Chen Zheyuan).

Sa kabila ng agwat ng kanilang edad, naging malapit ang dalawa at nagsilbing inspirasyon ni Sandy ang kabaitan at pag-aalaga ni Matthew.

Subalit, dahil sa mga hamon ng buhay at magkaibang landas na tinahak, pansamantalang nawalan ng komunikasyon ang dalawa. Lilipas ang panahon at muli silang magtatagpo sa kolehiyo.

Dito, ang dating “hidden crush” ni Sandy ay magsisimulang magbunga ng isang mas malalim at seryosong pag-iibigan.

Paano nga ba magbabago ang buhay ni Matthew ngayong hindi na bata ang tingin niya sa kapatid ng kanyang matalik na kaibigan?

Subaybayan ang Hidden Love, simula ngayong April 20, 11:30 p.m. ng gabi sa GMA!