Around GMA

Article Inside Page

Sa latest vlog ni EA Guzman, hinamon niya ang kanyang kasintahan na si Shaira Diaz na gawin ang “Jojowain o Totropahin” challenge featuring some Kapuso stars.

Game na game naman si Shaira sa challenge na ito ngunit bago pa man magsimula ang challenge, sinabi niyang ayaw niya itong gawin dati dahil magseselos daw si EA.

Aniya, “Matagal na naming napag-usapan itong challenge na 'to.

“Ayaw ko lang gawin 'yung jojowain o totropahin challenge kasi seloso siya. Sa amin dalawa, mas seloso siya. So ngayon, hindi tayo puwedeng mag-away.”

Depensa naman ni EA, “Hindi kasi, normal lang din naman mag-selos.”

Sa 20-minute vlog, sinagot nina EA at Shaira kung jojowain o totropahin nila ang ilan sa mga Kapuso stars gaya nina Solenn Heussaff, Arra San Agustin, Sanya Lopez, Maine Mendoza, Alden Richards, Ruru Madrid, Jak Roberto, Miguel Tanfelix, at marami pang iba.

Para kay EA, jojowain niya sina Solenn, Arra, at Maine.

Aniya tungkol kay Solenn, “Kita mo naman kung paano mag-alaga si Solenn kay Nico and sa baby nila ngayon, 'di ba? Kung titingnan mo, pang-wife material.

“And 'yung ugali niya pang good vibes, sobrang positive, mukhang positive sa buhay talaga. 'Pag kasama mo siya tatawa ka lang at saka maganda at mabait.”

Medyo nahirapan naman si Shaira na piliin kung saan ilulugar sina Kapuso actors Miguel at Jak.

Paliwanag ni Shaira, “May side kasi si Miguel na gusto ko siyang tropahin kasi mas younger siya sa akin. Tapos may side din na jojowain ko siya kasi mabait siya at mayroon kaming something in common tulad ng K-pop at K-drama.

“Para kay Jak, mas nangingibabaw 'yung totropahin kasi nakatrabaho ko na si Jak. Pero ang gusto ko sa kanya ay sobrang gentleman niya, as in. Mahilig din siya mag-joke, mabait at very professional.”

Panoorin ang kanilang buong vlog: