Around GMA

Article Inside Page

Ilang programa ng GMA-7 ang kinilala sa 2022 Lasallian Scholarum Awards dahil sa mga dekalidad na istoryang nailahad tungkol sa mga isyu at kuwento ng mga kabataan at ang mga dokumentaryong nagtalakay ng mahahalagang impormasyon tungkol sa edukasyon.

Nagwagi ang istoryang “Munting Bisig” bilang Outstanding Video Feature on Youth and Education na napanood sa Kapuso documentary show na The Atom Araullo Specials noong July 25, 2021.

Sa kasalukuyan, mayroon nang mahigit 2 million views sa Youtube ang dokumentaryong ito ni Atom Araullo.

Itinanghal naman na finalist para kaparehong category ang istoryang “Too young to marry? Mga kuwento ng ilang child bride sa Pilipinas,” na pinangunahan ni Ria Garcia para sa programang Stand for Truth.

Nakatanggap din ng pagkilala ang dokumentaryo ni Kara David na pinamagatang “Pandemic Teachers” na ipinalabas sa I-Witness.

Idinaos ang naturang online awarding event na may temang “Kabanata ng kabataan” kahapon, March 9, sa De La Salle University Facebook page.

Ang journalism awards na ito ay naglalayong kilalanin ang mga natatanging istoryang naging daan upang maibahagi ang kakaiba at hindi pangkaraniwang karanasan ng ilang kabataan at ng kasalukuyang sitwasyon ng edukasyon sa bansa sa gitna ng pandemya.

Para sa iba pang Kapuso stories, bisitahin ang GMA Network's official website sa www.gmanetwork.com.