Around GMA

Article Inside Page

Inanunsiyo na ng Catholic Mass Media Awards ang mga programang pasok bilang finalists sa ika-46 na taon ng kanilang parangal.

Ilang mga programa mula sa GMA Network ang pasok dito.

Finalist sa ang Amazing Earth, blocktimer na Agripreneur at Biyahe ni Drew bilang Best Adult Educational/Cultural Program.

Nominado naman bilang Best Drama Series/Program ang Lilet Matias, Attorney-at-Law, Magpakailanman, at My Guardian Alien.

Pasok din sa kategoryang Best Children and Youth Program ang Daig Kayo ng Lola Ko at iBilib.

Kasama naman sa pagpipilian bilang Best Entertainment Program ang Family Feud Philippines, The Voice Generations, at The Clash 2023.

Kabilang naman ang Unang Balita sa mga nominees bilang Best News Magazine, habang nominado para sa Best News Program ang Saksi at One Mindanao ng GMA Regional TV.

Finalists din ng Best Public Service Program ang Resibo at Kapuso Mo, Jessica Soho.

Best Special News Coverage nominees naman ang Semana Santa coverage ng Unang Hirit at Nazareno special coverage ng 24 Oras.

Pasok bilang finalist ng Best Station ID ang #FeelingBlessed Ngayong Pasko na Christmas station ID ng GMA Network noong 2023.

Bahagi naman ng Best TV Special finalists ang Peñafrancia Festival coverage ng GMA Regional TV.

Sa larangan naman ng radyo, finalist bilang Best Business News ang DZBB Super Serbisyo, Trabaho, at Negosyo, habang Best Drama Program naman ang Sumasapuso Kasama si Toni Aquino.

Ang Catholic Mass Media Awards ay taunang parangal ng Archdiocese of Manila kung saan kinikilala ang mahuhusay na kontribusyon sa telebisyon, radio, advertising, musika, print, at iba pang uri ng content na nagsusulong ng positibong pagbabago.