Imelda Schweighart, pinakilala bilang isa sa mga lalahok sa MGI All Stars
Around GMA
Around GMA
AraBella: Bella | Teaser P5,000 nga ayuda alang sa tricycle drivers sa Davao Region, sugdan na | One Mindanao Clavano: Premature disclosure of ICI findings could impact Ombudsman flood control probeArticle Inside Page
Showbiz News
Isinali si Imelda Schweighart sa MGI All Stars pageant pagkatpos ang pagtanggal sa kanya mula sa Miss Universe Philippines 2026.
May isa na namang dumagdag sa mga magrerepresenta sa Pilipinas sa MGI All Stars pageant pagkatapos ipakilala ng Miss Grand International organization ng isa pang beauty queen na lalahok dito.
Pinangalanan ng Miss Grand International organization si Imelda Schweighart bilang isa sa mga lalahok sa paparating na MGI All Stars pageant bilang representative ng Pilipinas. Sa caption ng Instagram post ng organisasyon, pinakilala si Imelda bilang “legendary multi-hyphenate and a true icon of her generation,” at saka isang “prolific singer-songwriter, music producer, and visionary entrepreneur.”
Ang pagsama kay Imelda inclusion sa MGI All Stars pageant ay nangyari pagkatapos siyang matanggal mula sa Miss Universe Philippines pageant. Hindi pinangalanan si Imelda sa statement ng Miss Universe Philippines, na nagsabi na merong “certain behaviors” si Imelda na nagtulak sa kanilang bigyan siya ng verbal at written guidance para ma-address ang sitwasyon.
Check out the controversial events in this year's pageant scene
Ang announcement ng partisipasyon ni Imelda sa MGI All Stars ay nangyari pagkatapos ilabas ng Miss Grand Philippines organization ang mga kuha mula sa official portrait shoot ni Keylyn Trajano.
Ang paglabas ng kaniyang official portrait ay nangyari naman pagkatapos ng kanyang crowning at sashing ceremony na ginanap sa Hotel 101 Manila sa Pasay City nitong nakaraang buwan.
Sa caption ng announcement post ng ceremony, tinawag ng organisasyon ang crowning at sashing bilang “beginning of a powerful story—one fueled by passion, perseverance, and the unwavering support of those who believe in her.” Tinawag din si Keylyn ng organisasyon bilang embodiment ng isang “modern queen.”
Maliban kay Imelda at Keylyn, si Sparkle artist Gazini Ganados ay isa rin sa mga lalahok sa MGI All Stars pageant.
Sa announcement ng Miss Grand International organization, inilarawan si Gazini bilang isang “Filipino-Palestinian runway model, actress, and television personality known for her striking beauty, commanding stage presence, and inspiring life story.” Binanggit din ng organisasyon ang kanyang “career in entertainment and fashion as a runway model, actress, and TV personality.”
RELATED GALLERY: Blue is the color for these beauty queens
Ini-launch ng Miss Grand International organization ang MGI All Stars noong Disyembre ng nakaraang taon. Ayon sa organisasyon, "every queen who dares to return to the spotlight, no matter which stage in the world you once called home" ay maaaring lumahok. “When dreams rise beyond limits, a new chapter begins” din ang caption ng teaser.
Ayon sa organisasyon, bukas ang pageant sa cisgender and transgender women, aged 20 to 40, na lumahok na sa isang international beauty pageant. Ang premyo sa pageant ay US$100,000 hanggang US$1,000,000.
Ang iba pang representative ng Pilipinas ay sila Noble Queen of the Universe 2025 Alexia Nuñez at Miss International Queen 2022 Fuschia Anne Ravena.
