Indonesian singer Nyoman Paul, may sariling bersyon ng hit single ni Christian Bautista na 'The Way You Look At Me'
Around GMA
Around GMA
2025 SEA Games: Alas Women fall to Vietnam in volleyball semis, drop to bronze medal game Kim Won-shik brings star power to Jolly Clean Holiday Pop-Up Duterte calls plunder, graft raps a 'fishing expedition'Article Inside Page
Showbiz News
Nag-release ang Indonesian rising pop star na si Nyoman Paul ng sariling bersyon ng kantang "The Way You Look At Me" ni Christian Bautista.
Nananatiling classic ang hit single ni Christian Bautista na "The Way You Look At Me" hindi lang sa Pilipinas kundi rin sa Indonesia, 20 taon matapos itong i-release.
Noong nakaraang taon, naglabas ng cover ng kanta ang bandang Ben&Ben. At ngayong 2024, gumawa rin ng bersyon ng "The Way You Look At Me" ang Indonesian rising pop star na si Nyoman Paul.
Inilabas ito sa Indonesia noong March 15 via Spotify, iTunes, Apple Music, YouTube Music, Amazon, at Deezer sa ilalim ng Universal Music Indonesia.
Ang bersyon ni Nyoman ay prinodyus at in-arrange ng popular music director at film score composer sa Indonesia na si Andi Rianto.
Ayon kay Andi, taong 2005 nang unang beses na napaibig siya sa kanta ng romantic balladeer at All-Out Sundays star.
Sulat niya sa Instagram, "I first heard this beautiful song from Christian Bautista @xtianbautista , a gifted individual with a captivating voice, during his inaugural Indonesian showcase in 2005.
"Years later, at the Indonesian Idol Result and Reunion show, I crossed paths with Paul @manpaularo and immediately sensed that his voice was the perfect fit for the remake of “THE WAY YOU LOOK AT ME.”
Pakinggan ang bersyon ni Nyoman Paul ng "The Way You Look At Me" sa video sa ibaba.
Ini-release ni Christian ang "The Way You Look At Me" bilang parte ng kaniyang 2004 self-titled album sa ilalim ng Warner Music Philippines. Mula ito sa panulat ng American composers na sina Andrew Fromm and Keith Follese.
TINGNAN ANG ACHIEVEMENTS NI CHRISTIAN BAUTISTA SA GALLERY SA IBABA
