Influencers, naging emosyonal sa special preview ng 'Green Bones'
Around GMA
Around GMA
Signal No. 1 hoisted in 21 areas as Wilma nears Eastern Visayas #WilmaPH maintains strength, moves slowly toward E. Visayas 'A Christmas Carol' brings the holiday spirit to the Philippine stageArticle Inside Page
Showbiz News
Hindi mapigilan ang mga luha ng viewers sa special screening ng 'Green Bones.'
Puno ng emosyon ang isinagawang special preview ng inspirational-drama movie na Green Bones.
Sa ginanap na event sa Columbia Pictures Office, spotted ang kilalang influencers na sina Ogie Diaz, Yani Villarosa, at Aaron Maniego. Kasama rin nila ang creators ng pelikula na sina Direk Zig Dulay, Anj Atienza, JC Rubio at GMA Pictures Executive Vice President na si Nessa Valdellon.
"Ito 'yung pelikula na uulitin ko. Ganoon lang ka-simple. Ang huhusay nilang lahat, ang ganda-ganda ng kwento, ang ganda ng pagkakasulat ni Anj Atienza at National Artist Ricky Lee. Ang ganda sobra," sabi ni Ogie Diaz.
"Hindi ako na-disappoint sa Green Bones. 'Yung nasa mid-part ng [movie], wala na, hindi ko na mapigil ang luha ko. In this movie, hindi siya nagta-try hard na paiyakin tayo. Just happens naturally na nafi-feel na ang emotions ng mga karakter dito," pahayag ni Jezreel Ely.
Dumating din sa preview ang Kapuso Drama King at lead star ng pelikula na si Dennis Trillo at real-life partner niya na si Jennylyn Mercado, bilang co-producers ng pelikula sa Brightburn Entertainment. Labis ang tuwa ng celebrity couple na makihalubilo sa special guests at excited sila para sa premiere night ng Green Bones.
"Napakasuwerte namin na pinayagan kami makipag-co-produce sa napakagandang project na ito. Siyempre salamat sa GMA," ani Dennis. "Syempre hindi mawawala yung kaba dahil first venture namin co-produced. Pero malaki ang paniniwala namin sa proyektong ito. Kahit may kaba, confident pa rin kami."
Mapapanood sa mga sinehan ang official entry ng GMA Pictures at GMA Public Affairs na Green Bones simula December 25.
Pinagbibidahan ito nina Dennis Trillo at Ruru Madrid kasama ang iba pang magagaling na cast na sina Alessandra de Rossi, Wendell Ramos, Michael de Mesa, Ronnie Lazaro, Mikoy Morales, Royce Cabrera, Gerhard Acao, Raul Morit, Sienna Stevens, Sofia Pablo, Victor Neri, at marami pang iba.
Idinerehe ito ng award-winning director na si Zig Dulay at isinulat ng National Artist Ricky Lee at MMFF 2023 Screenplay winner na si Anj Atienza.
Kasama rin sa proyekto ang Columbia Pictures para sa Sony Pictures Releasing International.
Habang hinihintay ang Green Bones premiere, balikan ang highlights ng star-studded media day dito:
