'It's Showtime' hosts praise Ryan Bang's top 10 honor
Around GMA
Around GMA
DILG and PNP press conference (Jan. 22, 2026) | GMA Integrated News Most wanted person in Calabarzon nabbed in Eastern Samar Check out Brandon Espiritu's morning wellness practicesArticle Inside Page
Showbiz News
Happy at proud ang 'It's Showtime' family sa kapwa host na si Ryan Bang matapos mapabilang sa Top 10 public figures 'positively influencing South Korea's global image.'
Labis ang tuwa ng It's Showtime family sa co-host na si Ryan Bang matapos makatanggap ng pagkilala mula sa South Korea.
Sa episode nitong Miyerkules, nagbigay ng congratulatory message ang It's Showtime family para kay Ryan sa pangunguna ni Karylle.
"Madlang People, may good news tayo dahil si Ryan Bang napasok na sa Top 10 public figures positively influencing South Korea's global image, ayon sa 2025 Republic of Korea Country Image Survey, conducted by the Ministry of Culture, Sports, and Tourism," ani Karylle.
Matapos ito, nagpasalamat si Ryan sa kanyang minamahal na It's Showtime family, sa Republic of Korea, at Ministry of Culture, Sports, and Tourism.
Aniya, "Gusto ko magpasalamat, siyempre, sa inyong lahat, at Republic of Korea, at Ministry of Culture, Sports, and Tourism, na na-appreciate 'yung mga ginagawa ko rito sa Pilipinas."
Thankful din si Ryan sa Korean Embassy in the Philippines dahil sa pagpili sa kanya bilang host sa lahat ng Korea National Day sa Pilipinas.
Muling pinasalamatan ng Korean host ang lahat ng bumubuo ng It's Showtime at sa Madlang People.
"Siyempre sa mga host, Meme Vice [Ganda], pinapayagan niyo ako kapag may event sa Korean embassy, maraming-maraming salamat. Dahil sa inyo po 'yon, maraming salamat," saad niya.
Subaybayan ang It's Showtime tuwing Lunes hanggang Sabado, 12 noon, sa GMA at Kapuso Stream.
Related content: How Ryan Bang's businesses are connected to him and his loved ones
