Jackie Gonzaga on being managed by Vice Ganda: 'Nurturing din si Ate'
Around GMA
Around GMA
15-anyos nga dalagita, napalgang patay | One Mindanao Ombudsman, nagsampa ng kasong malversation at graft laban kay Bong Revilla at 6 na iba pa Gabbi Garcia's photos from 2016 that prove she is a true it girlArticle Inside Page
Showbiz News
Labis ang pasasalamat ng 'It's Showtime' host na si Jackie Gonzaga sa kanyang manager na si Vice Ganda dahil sa pagiging nurturing at generous nito.
Bumisita ang It's Showtime hosts na sina Jackie Gonzaga at Cianne Dominguez sa Fast Talk with Boy Abunda kamakailan.
Sa pagsalang nina Jackie at Cianne sa naturang talk show, kabilang sa mga napag-usapan ay ang kanilang dynamics bilang magkaibigan.
“Ako naman po, tinitingala ko talaga si Ate Jackie. Kapag may gusto akong matutunan, siya 'yung una kong tinatanong. Siya 'yung ano, 'te, paano ba 'to? 'te tama ba 'to?' Ta's siya 'yung, 'Oo tama, go, tama.' Tapos siya 'yung nagpu-push talaga kasi ako may pagka-sobrang kinakabahan ako sa mga bagay-bagay,” ani Cianne.
Bukod dito, tinanong din ng King of Talk si Jackie kung kumusta ang maging manager si Vice Ganda.
Inamin ni Jackie na mayroong pressure ang ma-manage ng Unkabogable Star ngunit labis ang kanyang pasasalamat sa huli dahil sa pagiging nurturing at generous nito.
“Siyempre po may pressure, Tito Boy. Kasi si Ate Vice, perfectionist. Talagang sarado, kuwadrado, perfectionist. Pero sobrang grateful po ako kasi nurturing din si Ate, generous din siya sa knowledge. Kung ano alam niya, ishe-share niya. Talagang bibigyan ka rin niya ng advice, tips on paano ka mag-grow,” kwento ni Jackie.
Napapanood sina Jackie Gonzaga at Cianne Dominguez sa noontime variety show na It's Showtime mula Lunes hanggang Sabado, 12 noon, sa GMA at Kapuso Stream
MAS KILALANIN PA SI JACKIE GONZAGA SA GALLERY NA ITO.
