Around GMA

Article Inside Page

Gaya ng ibang artist, ibinahagi ng singer na si Jake Zyrus na nahirapan din siyang mag-adjust sa biglaang pagbabago, hindi lamang sa daily lifestyle, kundi pati na rin sa music industry, bunsod ng COVID-19 pandemic.

Kahit na naka-quarantine ay naging aktibo pa rin ang singer sa paggawa ng content o music covers sa kanyang official YouTube channel. Gayunpaman, inamin niyang nahirapan siyang mag-adjust sa online performing.

Source: jakezyrusmusic (IG)

“Actually 'yung music walang problema kasi siyempre passion. Kumbaga 'yan na po talaga 'yung ginagawa ko sa life ko. Siguro ang pinaka nahirapan po ako is 'yung adjustments po talaga. 'Yung all of a sudden biglang online na kumakanta. Even the live performances sometimes online na bigla. So, I think 'yun po talagang nag-adjust ako,” lahad ni Jake Zyrus nang makapanayam nina Suzi Abrera at Lyn Ching sa GMA morning talk show na Unang Hirit (UH).

Bukod dito, na-miss din umano niya ang sayang hatid ng live interaction kasama ang fans sa tuwing nagpa-perform siya live sa stage.

“But in terms of 'yung recording, making the music, siyempre po para sa akin masaya pa rin although I miss performing po live on stage. 'Yung interaction sa mga Kapuso natin 'yun talaga 'yung nakaka-miss,” sabi pa niya.

Samantala, dahil tatlong araw na lang bago ang Pasko ay sumabak din si Jake Zyrus sa UH Fast Talk: Christmas Edition, kung saan pinapili siya ng mga sikat at classic Christmas Pinoy delicacies.

Panoorin dito:

Siyempre, naghandog din ng maagang pamasko si Jake Zyrus sa Kapuso viewers. Inawit niya sa programa ang kantang “Have Yourself A Merry Little Christmas.”

Panoorin ang wonderful performance ni Jake Zyrus ng “Have Yourself A Merry Little Christmas” sa video sa itaas.

Samantala, bahagi rin si Jake Zyrus ng KAIBIGAN: A Troy Laureta OPM Collective Vol. 1 album ng Filipino-American musical director na si Troy Laureta. Tampok din sa naturang album ang American singers na sina Matt Bloyd, Nicole Scherzinger, Pia Toscano, at Sheléa, Korean-American artist na si Ailee, Filipino-American talent na si Cheesa, at Filipino singer na si Regine Velasquez.

Ang KAIBIGAN: A Troy Laureta OPM Collective Vol. 1 ay ini-release noong November 22.

View this post on Instagram

A post shared by Jake (@jakezyrusmusic)

Related content:

Jake Zyrus on the entertainment industry: "tanggalin na yung mata at puso…"

Celine Dion reacts to Charice Pempengco's transition; Jake Zyrus tweets his gratitude