Jennica Garcia at Yasser Marta, bibida sa 'Tadhana'
Around GMA
Around GMA
Train derails in northern France, injuring 44 people Usa ka Pick Up Natuwad sa Cebu City | Balitang Bisdak Alex Eala makes New York Fashion Week debutArticle Inside Page
Showbiz News
Pag-ibig o pera? Haharap si Janna (Jennica Garcia) sa mabigat na desisyon sa 'Lihim na Anak.'
Sa Tadhana: Lihim na Anak, walang yaman sina Janna (Jennica Garcia) at Rocky (Yasser Marta), pero buo ang kanilang pagmamahalan. Ngunit magbabago ang lahat kapag biglang nagkasakit si Rocky at mangailangan ng malaking halaga para sa kanyang pagpapagamot.
Sa gitna ng kanilang problema, mapipilitan si Janna na humingi ng tulong kay Donya Juanita (Carla Martinez), ang mayamang ina ni Rocky.
Handang sagutin ni Donya Juanita ang gastusin sa ospital, ngunit may kapalit ang kanyang tulong. Kailangan munang wakasan ni Janna ang relasyon nila ni Rocky.
Dahil dito, mapipilitan si Janna na mamili sa pagitan ng kanyang minamahal at ng perang maaaring makapagligtas sa buhay ni Rocky.
Hanggang saan ang kayang isakripisyo ni Janna para sa kapakanan ni Rocky?
Alamin ang sagot sa pinakabagong handog ng Tadhana, ang "Lihim na Anak," ngayong Sabado, 3:15 p.m. sa GMA-7 at sa livestream ng GMA Public Affairs sa Facebook at YouTube.
