Around GMA

Article Inside Page

Laugh trip na naman ang hatid ni Alex Gonzaga sa kanyang latest vlog kung saan nagpaturo siyang sumakay ng bike kay Ultimate Star Jennylyn Mercado.

Bukod kasi sa pagiging aktres at singer, triathlete din si Jennylyn. Ang sport na ito ang pinaghalong swimming, biking at running.

Pumunta si Alex sa bahay ni Jen na nasa loob ng isang pribadong subdivision.

"Never akong nakapag-bisikleta ever in my life, sabihin ko sa 'yo ah," panimula ni Alex.

"Kaya kung ito na 'yung maging last na vlog, siya ang sisihin niyo," biro pa nito.

Ginamit ni Jen ang kanyang road bike, habang may dalang sariling biskleta si Alex.

"Bakit hindi ka natutong mag-bisikleta?" tanong ni Jen kay Alex.

"Okey ganito 'yung kuwento. Ang ate ko nag-biskleta siya. Sabi niya 'Ako muna mag-aaral mag-bisikleta.' Tapos pagdating niya sa bahay, sugat-sugat siya.

"Kasi daw sabi daw noong nagtuturo, kailangan magkaroon ka muna ng dose na sugat para matuto ka," kuwento ni Alex.

"Hindi totoo 'yan. Hindi ako nagkasugat, kahit isa," sagot naman ni Jen.

Panoorin ang latest vlog ni Alex kung saan kinantiyawan niya si Jen tungkol sa isa sa mga ex-boyfriend nito at sa panonood ng mga programa ng kabilang istasyon.

Bahagi si Jennylyn ng Descendants of the Sun (The Philippine Adaptation). Tunghayan ito Lunes hanggang Biyernes pagkatapos ng Anak ni Waray vs. Anak ni Biday sa GMA Telebabad.