Jeremiah Tiangco, may payo para sa mga nais maging singer
Around GMA
Around GMA
Benguet police, kinumpirmang patay na si ex-DPWH Usec. Cabral CNU grads top licensure exams for teachers Maluhong ina, TINITIPID ang anak at asawang may sakit! | Barangay Love StoriesArticle Inside Page
Showbiz News
Nagbigay ng payo ang 'The Clash' Season 2 champion na si Jeremiah Tiangco para sa mga nais maging singer. Panoorin dito sa 'Hangout.'
Para sa The Clash Season 2 champion na si Jeremiah Tiangco, practice at listening attitude ang kailangan ng mga nangangarap maging singer.
Sa August 3 episode ng Hangout, nagbigay ang Kapuso artist ng kanyang payo para sa aspiring singers.
Photo courtesy: Hangout
“Doon sa mga nangangarap na maging singers, siyempre, kailangan natin ng practice and kailangan meron tayong listening attitude.
“Listening attitude talaga [kasi] kung marunong tayo makinig--kahit saan man aspeto--matututo tayo. Magsu-succeed tayo,” ani Jeremiah.
Ibinahagi din ng Kapuso performer na dati niyang tagline o sinasabi sa sarili ang mga salitang “make it happen”.
Aniya, “Bakit make it happen? Kasi, kunwari ako, nag-sacrifice ako sa mga studies, madami na ako sinacrifice, kailangan, make it happen.
“Nag-sacrifice ka na lang din, dapat i-pursue mo talaga, dapat mangyari. Siyempre, with prayer and perseverance.”
Ibinahagi din ni Jeremiah ang pinaka-tumatak na lyrics sa kanyang bagong kanta na pinamagatang “Sa Tuwing Umuulan."
“Sa tuwing umuulan, sumasabay ang luha. Halos 'di ko pansin dumadaloy na pala,” ani Jeremiah.
“Ito yung isa sa pinaka-favorite na line ko dahil madaming nakaka-relate dito, bukod sa akin, siyempre.”
Ayon sa Kapuso artist, ang background ng “Sa Tuwing Umuulan” ay tungkol sa dalawang nagmamahalan kung saan namatay ang babae at naalala ng lalaki ang kanilang mabuting at masamang pinagsamahan.
“So, rain represents their memories and, at the same time, their tears. Yung luha nila,” ani Jeremiah.
“Ang conclusion doon, appreciate small things lalo na sa mga mahal niyo sa buhay. Appreciate them habang buhay pa,” dagdag pa niya.
Ibinahagi din niya na nais niyang makatrabaho si international singer Bruno Mars o kahit sinong black artists gaya ni Jennifer Hudson.
Panoorin ang nakatutuwang episode ng Hangout sa video sa itaas upang mas makilala pa si Jeremiah at ang kanyang bagong musika.
Samantala, bukod sa pagiging mahusay na singer, certified hypebeast din si Jeremiah. Tingnan ang kanyang mga larawan dito:
