Around GMA

Article Inside Page

Patuloy na bumubuhos ang papuring natatanggap ng Star of the New Gen na si Jillian Ward sa kanyang naging performance sa music video na “Tara Laro.”

Bukod dito, humahakot din ng napakaraming views ang naturang music video.

Ipinaabot ni Jillian ang kanyang pasasalamat sa viewers at netizens sa pamamagitan ng isang post sa Instagram Stories.

Kakabit ng isang screenshot ay ang mensahe ni Jillian para sa mga sumuporta sa kanya at sa lahat ng kasama rito.

Sulat ng Sparkle star, “5.4 million views for 'Tara Laro's' MV…Thank you po for all the love and support.”

Labis na ikinatuwa ng netizens ang pagkanta ni Jillian sa theme song ngayon ng Mobile Legends: Bangbang.

Bukod kay Jillian, tampok din sa music video ang social media stars na sina Sean Pangilinan at Price Adrian Dagdag.

Kasalukuyang napapanood ang Kapuso star bilang lead actress sa hit GMA medical drama series na Abot-Kamay Na Pangarap.