Around GMA

Article Inside Page

Wala pang isang taon na katrabaho ni Jillian Ward ang kaniyang Abot-Kamay Na Pangarap co-stars pero tila kilalang-kilala na niya ang ilan sa mga ito.

Sa exclusive interview ng GMANetwork.com kay Jillian kamakailan lang, nagkuwento siya tungkol sa seasoned actors na sina Pinky Amador at Chuckie Dreyfus, na kasama niya sa hit GMA series.

Ayon sa lead star, napapansin niya sa set ng serye na napakahilig daw mag-TikTok nina Pinky at Chuckie.

Pagbabahagi ni Jillian, “Si Tita Pinky naman po, ang funny niya kasi sobrang hilig niya magTikTok. Kahit saang spot po ng taping nagtiTikTok po siya. Tuwang-tuwa po kami sa kanya.”

Dagdag pa niya, “Tapos, si Tito Chuckie, 'yan tandem po silang dalawa.”

Si Pinky ay kasalukuyang napapanood sa serye bilang si Moira, ang wicked wife ni Doc RJ (Richard Yap) at mommy ni Zoey (Kazel Kinouchi).

Si Chuckie naman ay kilala sa serye bilang si Doc Rey, ang best friend ni Doc RJ.

Bukod kina Jillian, Richard, Kazel, Pinky, at Chuckie, napapanood din sa tunay na seryeng pinag-uusapang sina Carmina Villarroel, Andre Paras, Dominic Ochoa, Dexter Doria, Che Cosio, Leo Martinez, at marami pang iba.

Patuloy na tumutok sa hit GMA inspirational-medical drama series, mapapanood tuwing Lunes hanggang Sabado, 2:30 p.m., sa GMA Afternoon Prime.

Mapapanood din ang programa via Kapuso Stream.

Maaaring balikan ang iba pang episodes ng serye rito:

BALIKAN ANG ILANG NAG-VIRAL NA EKSENA NG ABOT-KAMAY NA PANGARAP SA GALLERY SA IBABA: