Jillian Ward, may entry sa 'Ale' trend
Around GMA
Around GMA
Off The Record: Throwback time! NIOR reacts to their old photos Hikers rescued after getting lost on mountain in Pangasinan Blue Ribbon to reco Ombudsman be allowed to deputize private lawyers as prosecutors — LacsonArticle Inside Page
Showbiz News
May entry din si Jillian Ward sa nauusong "Ale" trend.
Hindi nagpahuli Star of the New Gen Jillian Ward sa nauusong "Ale" trend sa TikTok.
Image Source: jillian (Instagram)
Sa maikling video na ibinahagi niya sa TikTok at Instagram, makikita si Jillian Ward sa rooftop ng isang building.
Suot ang isang asymmetrical top at baggy jeans, sumasayaw siya sa kantang "Ale" na mula sa bandang The Bloomfields.
"Good vibes lang!" sulat ni Jillian sa caption ng kanyang post.
Ang "Ale" ay orihinal na kanta ni Richard Reynoso mula sa kanyang 1989 album na Puwede Ba?
Nag-record ng cover version nito ang The Bloomfields para sa kanilang self-titled debut album na inilabas noong 2007.
Nag-viral ang awit sa TikTok bilang background music para sa travel reels at iba pang candid moments.
Bukod kay Jillian, sumakay din sa trend ang kapwa Kapuso stars niyang sina Ruru Madrid, Bianca Umali, Miguel Tanfelix, Shuvee Etrata, and Anthony Constantino.
Samantala, nakatakdang bumida si Jillian sa upcoming primetime action-drama series na Never Say Die kasama si Pambansang Ginoo David Licauco. Malaki at all star-cast ito kabilang sina Richard Yap, Kim Ji-soo, Raheel Bhyria, at Analyn Barro. Bahagi rin nito sina Raymart Santiago, Angelu de Leon, Wendell Ramos, Ayen Munji-Laurel, Jonathan Villoso, at Ms. Gina Alajar.
Mapapanood ang Never Say Die simula February 2, 8:55 p.m. sa GMA Prime.
May same-day replay ito sa GTV tuwing 10:30 p.m. at mapapanood din ito online sa Kapuso Stream.
