Jillian Ward, nag-train sa martial arts para sa 'Never Say Die'
Around GMA
Around GMA
Trump says US needs to own Greenland to deter Russia, China Faithful, visitors urged to wear proper attire at Basilica Brandon Espiritu recommends these stress-relief activitiesArticle Inside Page
Showbiz News
Nag-training sa taekwondo si Jillian Ward bilang paghahanda para sa 'Never Say Die.'
Sumailalim sa iba't ibang training si Star of the New Gen Jillian Ward para paghandaan ang upcoming action-drama series niyang Never Say Die.
Kabilang dito ang pagsasanay sa gun firing na nagsimula niyang makahiligan ilang taon na ang nakalilipas.
"Noong 2024 po, na-try ko na pong mag-firing. I am happy na nagagamit ko din po siya sa pagiging artista ko," kuwento ni Jillian.
Bukod dito, ilang buwan din siyang nag-training sa martial arts.
"Nakapag-dalawang martial arts class po ako tapos isa pong taekwondo class. Natutunan ko po 'yung basics--paano 'yung form, paano talaga sumipa nang may power, kung ano 'yung tamang tindig," bahagi ng aktres.
Source: jillian (IG)
Gaganap si Jillian sa serye bilang anak ng pulis na makikipag-team up sa isang investigative journalist para pabagsakin ang malaking sindikato.
Makakasama niya dito si Pambasang Ginoo David Licauco.
Kabilang sa malaki at all-star cast sina Richard Yap, Kim Ji-soo, Analyn Barro, at Raheel Bhyria.
Bahagi rin nito sina Raymart Santiago, Angelu de Leon, Wendell Ramos, Ayen Munji-Laurel, Jonathan Villoso, at Ms. Gina Alajar.
Panoorin ang buong panayam ni Nelson Canlas kay Jillian Ward sa para sa 24 Oras sa video sa itaas.
