Jimmy Alapag sa nangyaring insidente sa Ateneo players: 'It was a very tragic situation'
Around GMA
Around GMA
'KPop Demon Hunters' star Arden Cho ties the knot with surgeon BF 'Lilet Matias: Attorney-At-Law,' muling mapanonood sa GTV Real Moments, Real Thrills, Real Entertainment Await This July on GMA Pinoy TVArticle Inside Page
Showbiz News
May reaksyon ang bagong NLEX Road Warriors coach na si Jimmy Alapag sa nangyaring trahedya sa dalawang student-athletes.
Nagbigay ng opinyon ang balikbayang basketball coach na si Jimmy Alapag tungkol sa trahedya na nangyari kamakailan sa dalawang student-athletes na sina Rene Baterbonia at Divine Adili.
Sa kaniyang panayam sa Fast Talk with Boy Abunda, hiningan siya ni Tito Boy ng reaksyon bilang kabilang rin siya sa mundo ng basketball.
Ayon kay Jimmy, nauunawaan niya ang bigat ng trahedya bilang isa ring magulang.
"Obviously, it was a very tragic situation, so our heart goes out to the parents first and foremost," aniya.
"It was devastating to the country, to the basketball community. But I think, first and foremost, again, our heart just goes out to the family kasi it's a tragedy that you never wish on any parent," ayon kay Jimmy.
Nang tanungin ni Tito Boy kung bahagi ba talaga ng pagsasanay ng mga atleta ang sand running o ang exercise upang palakasin ang calves, sinabi ni Jimmy:
"While I was in the States, no. But I had it in the past...as an athlete."
Aniya, ginagawa ang naturang training bilang bahagi ng conditioning ng atleta bago magsimula ang isang season.
"It's not relative to the skill on the court. But in terms of your preparation for the body, you know, for the upcoming season," aniya.
Matatandaang pumanaw ang dalawang student-athletes ng Ateneo de Manila University Men's Basketball Team matapos silang malunod sa team-building activity na isinagawa sa Dipaculao, Aurora noong June 8.
Sa pahayag ng Ateneo, sinabi nilang i-e-examine ng multi-stakeholder body na kinabibilangan ng Samahang Basketball ng Pilipinas (SBP), University Athletic Association of the Philippines (UAAP), Commission on Higher Education (CHED), at ng National Youth Commission (NYC) ang “existing policies, protocols, and training practices toward resolutions to strengthen safeguards in athletic training environments.”
Samantala, balik-Pilipinas si Jimmy bilang bagong head coach ng NLEX Road Warriors. Kasama niyang umuwi sa bansa ang kaniyang asawa na si LJ Moreno at kanilang pamilya.
Balikan ang panayam nina LJ Moreno at Jimmy Alapag sa Fast Talk with Boy Abunda, dito.
