Around GMA

Article Inside Page

Bilib ang Kapamilya actress na si Jodi Sta. Maria sa co-actress niya na si Sanya Lopez sa pelikulang 'Midnight Girls' na dinirehe ni Irene Villamor.

Nakilala nang husto si Direk Irene sa mga hit movies niya tulad ng 'The Loved One' na bida sina Anne Curtis at Jericho Rosales at 'Sid & Aya' kung saan nakasama ni Anne ang multi-awarded actor-host na si Dingdong Dantes.

Sa pagsalang ng dalawa sa Lie Detector Game ng Rec.Create na ipinalabas sa YouTube, tuwang-tuwa si Sanya na napili siya ni Jodi na mapasama sa Midnight Girls.

Kuwento niya, “Sa totoo lang nag-message ako kay Ate Jodi, kasi hindi ko alam kung totoo ito or hindi, si Ate Jodi raw 'yung pumili sa akin para makasama dito sa pelikulang na 'to. And, sasabihin ko ba kay Ate Jodi? Magti-thank you na ba ako agad e, nahihiya ako.”

“Medyo huling-huli na 'to. Nakakatuwa na of course si Miss Jodi Sta. Maria 'yung napili ako from other network pa. May kakayahan pa siya pumili ng mas higit pa sa akin.”

Source: GMANetwork.com & Fast Talk with Boy Abunda

Sabat agad ni Jodi, “Ano ka ba? Alam mo kasi, sorry, ika-cut kita.”

Sumunod na ipinaliwanag ng 43-year-old actress na nakikita nang lahat kung gaano kagaling si Sanya, puwere lang siya.

Paalala ni Jodi sa Sparkle star, “Kasi si Sans, magaling siya. Lahat nakikita 'yun puwera 'yung sarili niya. So, kailangan mo siya laging i-affirm, laging mong kailangan i-remind siya.”

“Hindi dahil sa gusto [ko] palakihin 'yung ulo niya, but, kailangan lang niya ma-remember 'yung ano 'yung kaya mong gawin. Kung ano 'yung value mo, na magaling ka!”

Dagdag pa ni Jodi, “Thank you for making the workplace a happy place. Salamat. And of course, I would love to work with you again.”

RELATED CONTENT: Friendly encounters of Kapuso and Kapamilya stars