Around GMA

Article Inside Page

Ilang araw bago ang premiere ng highly-anticipated series na Unbreak My Heart ay isang celebrity watch party ang isinagawa sa Trinoma Mall sa Quezon City.

Sa star-studded na watch party ay ipinasilip ang unang bahagi ng romantic series na produkto ng historical collaboration ng GMA, ABS-CBN, at Viu Philippines.

Sa report ni Cata Tibayan sa 24 Oras Weekend, inihayag ni Jodi Sta. Maria ang kaniyang naramdaman matapos mapanood ng mga kapwa artista ang ilang dapat abangan sa Unbreak My Heart.

“My heart is full because ito 'yung ilang buwan na naming pinaghihirapan,” ani Jodi.

Kwento ni Jodi ay anxious silang lahat bago magsimula ang watch party ngunit ito ay napawi ng reception ng audience sa series.

“Before coming here, all of us were really feeling anxious but then upon receiving the reactions of the people who watched the film na parang, 'Oh my gosh, we really did something right and we really did something beautiful,'” saad ni Jodi.

Ang Unbreak My Heart na pinagbibidahan nina Jodi, Joshua Garcia, Gabbi Garcia, at Richard Yap ay ipapalabas na ngayong May 29.

Mapapanood ito mula Lunes hanggang Huwebes, 9:35 p.m., sa GMA Telebabad, Pinoy Hits, I Heart Movies at 11:25 p.m. sa GTV. Ipapalabas rin ang serye sa GMA Pinoy TV at TFC.

Ang advance screening naman ay sa May 27, 9:00 p.m., sa GMANetwork.com, iWantTFC at Viu.

Ang much-awaited series ay sa ilalim ng direksyon nina Direk Emmanuel Quindo Palo at Dolly Dulu.

Tampok rin dito sina Laurice Guillen, Sunshine Cruz, Eula Valdes, Nikki Valdez, Romnick Sarmenta, Victor Neri, Will Ashley, Bianca de Vera, Jeremiah Lisbo, Maey Bautista, PJ Endrinal, Mark Rivera, at Marvin Yap.

TINGNAN ANG MGA PERSONALIDAD NA PRESENT SA 'UNBREAK MY HEART' WATCH PARTY DITO: