Joey Paras, walang hanggan ang pasasalamat kay Direk Wenn Deramas
Around GMA
Around GMA
Allen Liwag motivated by surprise Gilas Pilipinas call-up, to join SEA Games after Benilde run #WilmaPH moves north of E. Samar, over waters of Dolores Netflix is buying Warner Bros.Article Inside Page
Showbiz News
Isa ang 'Sunday PinaSaya' mainstay na si Joey Paras sa mga nagluluksa ngayon sa pagkamatay ng direktor na si Wenn Deramas.
By OWEN ALCARAZ
Isa ang Sunday PinaSaya mainstay na si Joey Paras sa mga nagluluksa ngayon sa pagkamatay ng direktor na si Wenn Deramas. Nakasama ni Joey ang yumaong direktor sa ilang pelikula, kabilang na rito ang pinagbidahan niyang Bekikang: Ang Nanay Kong Beki na ipinalabas noong 2013. Ito ang nagsilbing launching movie ng komedyante.
Sa post ng komedyante sa kanyang Instagram account, sinabi nitong mahal na mahal niya ang direktor at hanggang sa dulo ng buhay niya ay walang hanggang pasasalamat ang kanyang sasambitin para rito.
Inalala din ni Joey ang mga bagay na naituro sa kanya ni Direk Wenn. "Tinuruan mo ako kung papano magmahal, hindi lang sa kaibigan, jowa, pamilya, katrabaho, kundi ng sarili ko."
Sa huli, binigyang pugay ng komedyante ang mahal na kaibigan, "Wala ng part 2 si Bekikang pero ang buhay at pag-ibig niya, mananatiling parte na ng buhay ng karamihan. Ikaw si Bekikang."
