Around GMA

12-hour brownout in areas of Iloilo City set on Dec. 7, 2025
How Innovation is Transforming Healthcare
Miss Cosmo Philippines Chelsea Fernandez lights up the runway with red swimsuit

Article Inside Page

Showbiz News

Alamin kung ano ang ginawang paghahanda ng actor-model-national athlete ngayong Father's Day para sa mga masisipag na ama.

Ibinahagi ni John Vic De Guzman ang kanyang ginawang paraan para i-celebrate ang espesyal na Araw ng mga Tatay.

Kuwento ng actor-model-national athlete, naalala niya ang mga panahong naghihintay lamang siya ng importanteng okasyon para magkaroon ng bagong damit.

"Naalala ko lang po nung high school ako, inaantay ko po talaga magkaroon ng important occasion - Pasko o birthday para baka sakaling maka lambing ako po kay Mama ng bagong damit. Minsan hindi pa rin nangyayari kasi syempre po mayroon mas importante kailangan pagkagastusan, lalo na po at mag-isa si Mama na nagpapalaki po sa amin magkakapatid."

Pagpapatuloy ni John, sobrang special kapag nakakatanggap siya ng mga bagong damit.

"Alam ko po 'yung saya sa pakiramdam na may magbigay sa 'yo ng bagong damit kasi minsan po it comes secondary na lang sa priority kasi may ibang kailangan bilhin kahit na gustong-gusto mo talaga."

Bilang endorser ng lifestyle brand na Bench, nakaramdam umano siya ng saya dahil makakakuha na siya ng mga bagong damit dito. Pero bago ang kanyang sarili, naisip niyang ibahagi muna ang kanyang blessings.

"When I arrived in Manila after being stranded in Isabela for 3 months, I've got the chance to finally pull out stuff from the store. Pero sinabi ko po talaga sa sarili ko yung unang batch na makukuha ko I wanted it to share to those na hindi po magawang unahin yung pagbili ng bagong damit kasi gusto nila magtrabaho muna para sa pamilya nila."

Pinili umano niya ang mga tatay na unang pinupunan ang pangangailangan ng mga anak.

"'Yung mga Tatay na inuuna yung mga anak nila kaya naisip ko this Fathers Day ako naman yung magbigay sa kanila ng bagong damit para ma reward yung hardwork nila sa kanilang mga anak."

Saad pa ni John, "Hindi man po marami 'yung nabigyan ko halos lagpas 20 lang po sa hometown ko sa Calamba na mga tatay na nag work sa daan sa init ng araw - alam ko po na yung simpleng regalo na yon - e makapagpasaya po tayo ng iba."