Around GMA

Article Inside Page

May panibagong ayuda ang tambalan ng Huwag Kang Titingin stars na sina Josh Ford at Kira Balinger!

Sa TikTok page ni Kira, muling naghatid ng kilig ang Team KiSh sa kanilang bagong video.

Sa umpisa, kapansin-pansin ang kanilang face cards at elegant looks. Dashing ang dating ni Josh sa kanyang suot na white suit, habang stunning naman si Kira sa kanyang red dress.

Hindi napigilang kiligin ng netizens nang biglang niyakap ni Kira ang Kapuso actor. Mas lalong nadagdagan ang kilig moments dahil sa kanilang mga sulyap sa isa't isa.

"Right where you are Josh Ford ," ani Kira sa captions.

Pinusuan kaagad ng fans ang naturang video, labis ang kinilig at natuwa sa natural chemistry ng dalawang stars.

"Ang tapang nyo n ," komento ng isang fan.

"Grabeng face card naman yarn Kish ," dagdag ng isa pa.

Sa kasalukuyan, umabot na sa mahigit 832,000 views at 116,000 heart reactions ang naturang TikTok video.

@kirabalingerr Right where you are @Josh Ford ♬ Dracula (JENNIE Remix) - Tame Impala & JENNIE

Nagsimula ang tambalan nina Josh Ford at Kira Balinger sa Pinoy Big Brother Celebrity Collab Edition. Dahil sa kanilang natural chemistry, kaagad pinusuan ang duo ng fans at ng kanilang co-housemates,

Ngayong April 15, mapapanood na sina Josh Ford at Kira Balinger sa upcoming horror film na Huwag Kang Titingin. Kasama rin nila dito sina Sofia Pablo, Allen Ansay, Marco Masa, Charlie Fleming, Michael Sager, Sean Lucas, Anthony Constantino, at special participation ni Shuvee Etrata.

Bukod dito, patuloy ding napapanood ang Team KiSh sa The Secrets of Hotel 88, Lunes hanggang Biyernes, 9:35 p.m. sa GMA Prime. Mayroon din itong late telecast sa GTV at mapapanood online sa Kapuso Stream.

Tingnan ang sweet moments nina Josh Ford at Kira Balinger sa gallery na ito: