Around GMA

Article Inside Page

Ramdam ang saya ng Sparkle star na si Josh Ford sa muli niyang pagbabalik sa GMA Network matapos lumabas sa Bahay Ni Kuya sa Pinoy Big Brother Celebrity Collab Edition.

Related gallery: Kapuso, Kapamilya housemates of 'Pinoy Big Brother Celebrity Collab Edition'

Nakatanggap si Josh ng heartfelt surprise mula sa kaniyang Sparkle family nitong Martes, May 13.

Ang sorpresa ay pinangunahan ni First Vice President of Sparkle GMA Artist Center and Talent Development and Management Joy Marcelo.

Present sa intimate event ang fellow Sparkle artists ni Josh tulad na lamang nina Marco Masa, Elijah Alejo, at marami pang iba.

Sa kalagitnaan ng surprise, naging emosyonal ang ex-PBB housemate habang nagbibigay ng pahayag tungkol sa inihandang event para sa kanya.

Sabi niya, “I'm speechless, I'm shaking… I'm so thankful, grateful na nandito ang family para sa akin.”

Bago ito, sinabi ni Josh na itinuturing niyang blessing ang kaniyang naging journey sa loob ng Bahay Ni Kuya.

“I'm so thankful na I was one of the housemates na napili. Roller coaster but it is a blessing,” pahayag ng Sparkle star.

View this post on Instagram

A post shared by Sparkle GMA Artist Center (@sparklegmaartistcenter)

Samantala, si Josh ay nakilala sa Pinoy Big Brother Celebrity Collab Edition bilang Survivor Lad ng United Kingdom.

Kasabay niyang lumabas sa iconic house ang kaniyang huling ka-duo sa programa na si Ralph De Leon.

Mapapanood ang Pinoy Big Brother Celebrity Collab Edition, weekdays 10:05 p.m. at weekends, 6:15 p.m., sa GMA, Kapuso Stream, GMANetwork.com, GMA Pinoy TV, Kapamilya Online Live, iWanTFC, at TFC.

Maaari ring silipin ang mga kaganapan ngayon sa loob ng Big Brother house sa All-Access Livestream ng programa.

Abangan ang iba pang detalye tungkol dito sa GMANetwork.com at iba pang social media platforms ng GMA at ABS-CBN.