Around GMA

Article Inside Page

Sa ika-100 episode ng Fast Talk with Boy Abunda isang espesyal na bisita ang makakapanayam ng King of Talk na si Boy Abunda ito ay ang multi-awarded actress at tinaguriang Queen of Philippine Soap Opera na si Judy Ann Santos-Agoncillo.

Sa inilabas na teaser ng programa para sa kanilang episode ngayong Martes, June 13, makikita ang ilan sa mga movie poster ng pelikula ni Judy Ann na tumatak sa publiko gaya ng 2002 film na Akala Mo, kung saan nakatambal niya ang Kapuso Primetime King na si Dingdong Dantes.

Tampok din sa teaser ang larawan ni Judy Ann kasama ang kaniyang kaibigan at Kapuso actress na si Gladys Reyes.

Kamakailan, unang bumisita sa nasabing showbiz-oriented talk show ang kaibigan ni Judy Ann at kapwa mahusay na aktres na si Claudine Barretto. Dito ay nabanggit ni Claudine ang isang bagay na ipinagpapasalamat niya kay Judy Ann.

“I will never forget what Judy Ann did for me, that's why she is who she is. You know at my lowest point, in one of her interviews, they said that she was the teleserye queen but she said, 'No, Claudine and I share this title,' I will never forget that, Boy, 'til the day I die,” ani Claudine.

Sa pagsalang naman ni Judy Ann sa panayam kasama ang batikang TV host na si Boy, isa sa kanilang pag-uusapan ay ang selebrasyon ng 37th year sa show business ng aktres.

Bukod dito, ano pa kaya ang mga ibubunyag na rebelasyon ni Judy Ann? Abangan 'yan mamaya sa Fast Talk with Boy Abunda, 5:40 p.m. sa GMA Afternoon Prime.

SAMANTALA SILIPIN ANG MGA LARAWAN SA RECENT VACATION NI JUDY ANN SANTOS KASAMA ANG KANIYANG PAMILYA SA GALLERY NA ITO: