Around GMA

Article Inside Page

Humanga si Lolit Solis kay Judy Ann Santos sa pagtulong at pag-asikaso sa dati niyang talent manager at ngayo’y namayapa nang si Alfie Lorenzo.
 
Kasunod ng pagpanaw ni Alfie ay hindi naiwasan ni Lolit na isipin kung ano ang mangyayari sa kanya kapag dumating na ang oras na 'yun. Kaya naman, hanga siya sa dating alaga ng yumaong talent manager dahil hindi raw nakalimot si Judy Ann.
 
READ: Talent manager Alfie Lorenzo passes away
 
“Gusto kong pasalamatan si Judy Ann Santos-Agoncillo dahil sa ipinakita niyang pagmamahal kay Alfie Lorenzo na parang tatay na niya,” ani Lolit.
 
“Kahit minsan may tampuhan sila, siya pa rin ang unang tumulong at nag-asikaso, isang patibay na sa showbiz uso pa rin ang utang na loob,” patuloy niya.
 
Wika rin ni Lolit ay hindi raw doon magtatapos ang pagiging talent manager ni Alfie kay Judy Ann.
 
Sambit niya, “Andun pa rin ang wagas magmahal at palagay ko kahit sa kabilang buhay tiyak na gagabayan pa rin ni Alfie si Judy Ann dahil ang mga manager o handler feeling nila talaga pamilya ang alaga nila.”
 
Sa parehong post ay inihayag din ni Lolit ang kanyang kalungkutan sa pagpanaw ng kanyang mga kasabayan sa industriya.
 
“Dami memories, dami flashbacks, dami mga  bagay na bumabalik sa alaala. Faded photographs, prayers for you my friends,” saad niya.

 

Alam n’yo ba morbid isipin pero isang bagay lagi ang nasa isip ko. Sino mag-aasikaso pag na dead ako? Kasi nung namatay si Douglas Quijano nakita ko kung paano asikasuhin ni Richard Gomez at iba niyang alaga ang wake niya. Nang mamatay si Wyngard Tracy asikasong-asikaso ni Maricel Soriano ang wake niya kaya minsan tinanong ko si Perry Lansingan, sino ang mag-aasikaso sa kanya. Sabi niya sure raw siya na ‘di pababayaan ni Dingdong Dantes. Si Angge, si Sylvia Sanchez ang nag-asikaso. Kadalasan kasi iyon mismong pamilya mo, hindi alam ang gagawin at kadalasan ‘di naman nila kilala ang mga taong nasa showbiz kaya ang nag-aasikaso iyong mga kasamahan mo, alaga mo na taga-showbiz din. Sa akin nun, ang pangalan ni Rudy Fernandez ang nasa name to contact in time of emergency. Pero nauna nga siya 'umalis' kaya ngayon bahala na si Gorgy Rula mag-asikaso. Hah hah hah. Bigyan ng assignment sila ni Salve Asis na madalas ko pagalitan dahil talaga una siya sa nag-aasikaso pag maysakit siyang kaibigan. Gusto kong pasalamatan si Judy Ann Santos-Agoncillo dahil sa ipinakita niyang pagmamahal kay Alfie Lorenzo na parang tatay na niya. Kahit minsan may tampuhan sila, siya pa rin ang unang tumulong at nag-asikaso, isang patibay na sa showbiz uso pa rin ang utang na loob. Andun pa rin ang wagas magmahal at palagay ko kahit sa kabilang buhay tiyak na gagabayan pa rin ni Alfie si Judy Ann dahil ang mga manager o handler feeling nila talaga pamilya ang alaga nila. Hay naku isa na naman ang nawala sa mga kasama ko sa album, kaya nga kung minsan nalulungkot ako na tingnan mga old photos. Dami memories, dami flashbacks, dami mga bagay na bumabalik sa alaala. Faded photographs prayers for you my friends. #70naako #lolitkulit #instatalk ????????? @gorgyrula @salveasis @officialjuday

A post shared by LolitSolisOfficial (@akosilolitsolis) on Jul 31, 2017 at 7:45pm PDT