Around GMA

Article Inside Page

Mala-concert ang naging pagsalubong ni Asia's Limitless Star Julie Anne San Jose sa kanyang 32nd birthday kung saan nakasama niya ang fans, pamilya, at mga kaibigan sa naganap niyang "JAPS Music Box Live" sa Muntinlupa.

Ang nasabing party with a purpose ay alay ni Julie Anne para makapagbigay suporta sa mga matatanda sa Little Sisters of the Abandoned Elderly.

"For this year, I decided to donate to the Little Sisters of the Abandoned Elderly, sa mga matatanda naman ito," sabi ni Julie Anne sa interview ni Athena Imperial.

View this post on Instagram

A post shared by Sparkle GMA Artist Center (@sparklegmaartistcenter)

Samantala sa event, pinerform ni Julie Anne ang bago niyang single na "Kung Ikaw Ay Bibitaw."

Ayon kay Julie, nasa proseso siya ngayon ng pagsusulat at pag-create ng mga kanta.

"Ito 'yung year na nilalaan ko talaga 'yung sarili ko para sa creative side," aniya.

Noong Linggo (May 17), ipinagdiwang din ni Julie Anne ang kanyang birthday sa All-Out Sundays kung saan nakatanggap siya ng nakakakilig na mensahe mula sa kanyang boyfriend na si Rayver Cruz.