Kapuso celebrities, personalities at programs, panalo sa 6th Gawad Lasallianeta Awards
Around GMA
Around GMA
Errol 'Budoy' Marabiles, of Junior Kilat fame, passes away Miss Grand International announces first-ever 'all stars' edition School in Kalibo, Aklan receives bomb threatArticle Inside Page
Showbiz News
Alden Richards, Barbie Forteza, Jessica Soho, Michael V. at ilan pang Kapuso personalities at programs, panalo sa 6th Gawad Lasallianeta awards.
Ilang Kapuso celebrities, TV at radio personalities, at Kapuso shows ang ginawaran ng parangal sa 6th Gawad Lasallianeta Awards.
December 15 nang inanunsyo ng Gawad Lasallianeta ang mga nanalo, mga personalidad na itinuturing nilang most outstanding media communicators sa bansa.
Ang mga nanalo ay pinili base sa kung gaano kalaki ang impluwensya nila bilang mga communicators at pagiging role models sa buong Lasallian community.
Ang buong De La Salle Araneta University faculty, staff, at students ang namili ng mga nanalo sa pamamagitan ng online survey at pagboto.
Kabilang sa mga nanalo ay sina Asia's Multimedia Star na si Alden Richards bilang Most Outstanding Film Actor, Kapuso Primetime Princess Barbie Forteza bilang Most Outstanding Actress in a Drama series para sa Maria Clara at Ibarra, at Michael V bilang Most Outstanding Comedian.
Source: GawadLasallianeta/FB
Sa larangan ng pagbabalita, panalo naman sina Atom Araullo bilang Most Outstanding Male Documentarist at Male News Anchor, Kara David bilang Most Outstanding Female Documentarist, at Jessica Soho bilang Most Outstanding Magazine Show Host na nagawaran ng award.
Source: GawadLasallianeta/FB
Samantala, nakuha naman ni Papa Dudut ang Most Outstanding Male FM DJ award habang napili naman bilang Most Outstanding Travel Lifestyle Show Host award si Drew Arellano.
Source: GawadLasallianeta/FB
Ginawaran din ng awards ang ilang Kapuso shows, kabilang na ang Pepito Manaloto Tuloy ang Kuwento bilang Most Outstanding Comedy Show, Family Feud bilang Most Outstanding Entertainment Show, Born to Be Wild bilang Most Outstanding Travel Lifestyle show, at Amazing Earth bilang Most Outstanding Educational Show.
Source: GawadLasallianeta/FB
Nabiyayaan din ng Most Outstanding Talk Show ang Fast Talk with Boy Abunda, habang nabigyan ang iWitness ng Most Outstanding Documentary show award at ang Kapuso Mo, Jessica Soho ng Most Outstanding Magazine Show award. Ang Unang Hirit, ginawaran naman ng Most Outstanding Morning Show.
Source: GawadLasallianeta/FB
And radio show na DZBB Super Radyo wagi naman bilang Most Outstanding Digital Radio show.
Source: GawadLasallianeta/FB
Isasagawa ang awarding ceremony sa De Lasalle Araneta University sa January 29, 2024 ng 2 p.m.
