Kapuso child stars, bibigyang-buhay ang kuwento ng viral na magkapatid sa '#MPK'
Around GMA
Around GMA
UAAP: UST routs NU, forces do-or-die for women’s basketball title Dennis Trillo unboxes Best Actor trophy from Asian Academy Creative Awards 2025 Man caught on CCTV robbing coffee shop in GenSanArticle Inside Page
Showbiz News
Sina Leanne Bautista at Kenken Nuyad ang gaganap sa sa viral na magkapatid na Bilog at Bunak Tiongson sa '#MPK.'
Kinagiliwan online ang magkapatid na nagkapikunan habang kumakanta ng Tagalog version ng "Dance with My Father" ni Luther Vandross.
Nag-viral ang kanilang video na may mahigit na 2.5 million views.
Kaya naman tampok ang kuwento ng magkapatid na ito sa episode ng real life drama anthology na #MPK o Magpakailanman.
Si Leanne Bautista ang gaganap bilang Bilog, habang si Kenken Nuyad naman si Bunak.
Bigla na lang mawawala ang kanilang amang si Dan (Gardo Versoza) kaya mag-isa silang itinataguyod ng ina nilang si Anna (Lotlot de Leon).
Dahil nangungulila sa ama, bibidyuhan ni Bilog ang kanyang sarili habang kumakanta sa pag-asang mapanood nito ang video. Pero habang kinukunan ang sarili, pilit siyang ginugulo ni Bunak.
Hindi matatapos ni Bilog ang kanta at magkakapikunan pa sila ni Bunak. Ipo-post pa rin naman ng kanilang kapatid na si Daniela (Barbara Miguel) ang video at agad itong magba-viral.
Makukuha kaya ng kanilang ama ang mensaheng nais ipaabot ng magkapatid?
Abangan ang kanilang kuwento sa episode na pinamagatang "Viral Siblings: The Bilog and Bunak Tiongson Story" ngayong Sabado, September 4, 7:15 pm sa #MPK.
Samantala, silipin ang ilang eksena mula sa episode sa gallery na ito:
