Around GMA

Article Inside Page

Sa nagdaang GMA Gala 2025, nagningning ang ilang Kapuso female stars sa blue carpet dala ang kani-kanilang fashion-forward at killer looks, na talaga namang pasabog at umani ng maraming papuri.

Ayon sa report ni Aubrey Carampel sa 24 Oras nitong Lunes, August 4, napasama ang ilang Kapuso female stars sa listahan ng Best Dressed sa ilang fashion magazines at showbiz websites.

Isa na dito si Kapuso Primetime Queen Marian Rivera, na naging epitome of classic style and elegance sa kaniyang black lace dress na gawa ng Lebanese fashion designer na si Zuhair Murad.

Hindi rin nawala sa listahan si Global Fashion Icon Heart Evangelista, na nagpakita ng kombinasyon ng art at fashion sa isang hand-painted Schiaparelli dress.

"Really a work of art. This is what I am passionate about. This dress is by Schiaparelli, it was made two years ago," ibinahagi ni Heart.

Stunning din si Gabbi Garcia sa isang classic red ball gown ni Cheetah Rivera, habang si Bea Alonzo ay nag-glow sa kaniyang gown ni Ellie Saab.

"It's really simple, actually. It's very understated. It's simply elegant, that's why, that's what I really wanted to go for," sabi ni Bea.

Ang Sang'gre star na si Bianca Umali ay ipinagmalaki ang pagiging isang Pinay sa kaniyang handmade Capiz at Piña outfit mula sa designer na si Jerome Lorico.

Samantala, sophisticated ang dating ni Cassy Legaspi sa blue carpet suot ang kaniyang ivory ballgown na gawa ni Vania Romoff.

Si Kapuso Primetime Princess Barbie Forteza naman ay pretty at sleek sa kaniyang red bloody latex gown na may matching cape mula kay Ehrran Montoya.

"Aside from the 75th anniversary of course, and also celebrating this new era of Barbie, so we combine sophistication with femininity, softness with sultry and sophistication with grace," ibinida ni Barbie.

Pasok din sa Best Dressed list si ex-PBB housemate Shuvee Etrata, suot ang kaniyang white crystal-embellished gown na may red rose-inspired shawl na gawa ni Rian Fernandez.

Hindi rin nagpahuli ang beauty queens na sina Ahtisa Manalo, na rumampa sa gawa ni Val Taguba, at Beatrice Luigi Gomez, na suot ang beaded gown ni Manny Halasan.

Scene-stealer naman si Carla Abellana sa isang stunning yellow ball gown.

Si Unkabogable Star Vice Ganda ay rumampa naman sa kaniyang cobalt blue gown ni Paul Cabral, habang si Anne Curtis naman ay naka-rhinestone-embellished sheer dress ni Alaia.

Ang itinanghal na Best Dressed Female of the Night sa GMA Gala 2025 ay si Kyline Alcantara, suot ang Annie's Ibiza.

"Well again, all the time naman po every single GMA Gala, it is a collaboration between my team and I. So, this is Annie's Ibiza. She's a designer from London," sabi ni Kyline.

Marami pang ibang Kapuso female stars at personalities ang naging tunay na scene stealer sa engrandeng selebrasyon ng GMA Gala 2025 na ginanap noong Sabado, August 2, sa Marriott Hotel Manila sa Pasay City.

RELATED GALLERY: IN PHOTOS: GMA Gala 2025 Blue Carpet Looks