Around GMA

Article Inside Page

Pinarangalan ang ilang natatanging Kapuso shows at personalities sa virtual ceremony ng 6th GEMS Awards.

Hinirang na Best News Program ang 24 Oras habang Best TV Program para sa kategoryang Opinion/Documentary ang The Atom Araullo Specials.

Nabingwit din ng original singing competition na The Clash ang Best TV Program para sa kategoryang Reality/Talent Search.

Kinilala naman si Kapuso news pillar Mel Tiangco bilang Best Newscaster para sa 24 Oras, pati na si Atom Araullo bilang Best TV Program Host sa ilalim ng kategoryang Opinion/Documentary para sa The Atom Araullo Specials.

Nakatanggap din ng pagkilala si Asia's Multimedia Star Alden Richards na Best Performance in a Lead Role para sa TV series na The World Between Us.

Best Performance in a Lead Role sa kategoryang Single Performance si Aiko Melendez para sa episode na pinamagatang “Dalawa ang Aking Ina” mula sa seryeng Tadhana.

Nakuha naman ni Jaclyn Jose ang Best Performance in a Supporting Role sa ilalim ng kategorya ng pelikula para sa kanyang role sa The Housemaid, habang si Kapuso Primetime King Dingdong Dantes ang nakakuha ng Best Performance in a Lead Role para sa pelikulang A Hard Day.

Pinarangalan din si Kapuso comedy genius Michael V. ng Natatanging Hiyas ng Sining sa Telebisyon o ang Highest Honors for TV para sa kanyang dedikasyon bilang isang aktor, direktor, at manunulat.

Hinirang naman bilang TV Station of the Year ang GMA-7.

Ang GEMS-Hiyas ng Sining ay isang samahang nagbibigay-pagkilala sa mga katangi-tanging alagad ng sining sa larangan ng panulat, digital, tanghalan, radyo, telebisyon, at pelikula.