Kapuso stars, nominado sa 33rd Aliw Awards
Around GMA
Around GMA
Barangay kagawad at senior citizen, parehong patay sa banggaan ng kanilang motorsiklo sa Iloilo Mandaue City LGU, Mihangyo nga Pondohan ang Itukod nga Hospital | Balitang Bisdak Miss Cosmo Philippines Chelsea Fernandez lights up the runway with red swimsuitArticle Inside Page
Showbiz News
Nominado ang ilang Kapuso artist kabilang sina Julie Anne San Jose, Aicelle Santos, Mark Bautista, Golden Cañedo, Jeremiah Tiangco at Christian Bautista sa 33rd Aliw Awards.
Ilang Kapuso artist ang nakatanggap ng nominasyon sa isa sa mga prestihiyosong gawad-parangal na kumikilala sa natatanging sining ng mga Pilipino, ang Aliw Awards.
Nominado bilang Best New Female Artist at Best Pop Female Artist si The Clash Season 1 grand champion Golden Cañedo, habang ang ikalawang grand champion ng naturang show, si Jeremiah Tiangco, ay nominado naman sa mga kategoryang Best New Male Artist at Best Pop Male Artist.
Natanggap ni Julie Anne San Jose ang pagkilala sa kategoryang Best Rhythm & Blues/Jazz Artist.
Source: myjaps (IG)
Pasok ang “XOXO Dance Concert” ng girl group na XOXO sa Best Dance Production habang natanggap naman ni Hannah Precillas ang pagkilala sa kategoryang Best Solo Performer in Hotel.
Nominado rin si Betong Sumaya sa Best Male Performance in a Concert category para sa kanyang “Betong's Amazing Concert,” habang kinilala rin sina Rita Daniela at Ken Chan sa Best Featured Performance in a Concert para sa “Two-gether Again” concert nina Pops Fernandez at Martin Nievera.
Isa si Paolo Valenciano sa napipisil na makatanggap ng Best Concert Stage Director award para sa “1 FOR 3” concert at Best Stage Director for a Musical para naman sa “Joseph The Dreamer.”
Si Centerstage judge Mel Villena naman ay nominado bilang Best Musical Director for a Concert para sa kanyang natatanging komposisyon sa “1 FOR 3” concert.
Isa pang pagkilala ang natanggap ng “1 FOR 3” concert nina Aicelle Santos, Mark Bautista, at Christian Bautista dahil nominado rin ito sa kategoryang Best Collaboration in a Concert.
Source: aicellesantos (IG)
Nominado rin si Rachelle Ann Go sa Best Major Concert (Female) para sa kanyang “Rachelle Ann Go - The Homecoming.”
Samantala, pasok din sa listahan sina Bianca Umali at Derrick Monasterio sa Best Live Online Performer (Male or Female) category at Best Stand-Up Comedian sina Donita Nose at Super Tekla.
Nominado rin si Derrick bilang Best Male Host.
Gaganapin ang awards night ng 33rd Aliw Awards sa Fiesta Pavilion ng Manila Hotel sa December 8, 2020.
