Kara David, naging classmate noon si Gelli de Belen
Around GMA
Around GMA
South Korea's ex-president Yoon given 5-year jail term in first ruling over martial law Vendors in Aklan fall victims to fake P1,000 bills Nadine Samonte finds joy in collecting of designer figureArticle Inside Page
Showbiz News
Kara David: “Puwede ako maging artista kasi madrama naman akong tao.”
Umukit ng pangalan sa mundo ng broadcast journalism ang documentarist and news anchor na si Kara David, pero ang respetadong Kapuso news personality ay dati rin pala pinangarap maging isang artista.
Sa guesting niya sa vodcast na Your Honor, naikuwento ng multi-awarded GMA News anchor kina Chariz Solomon at Buboy Villar na minsan pa niya naging classmate sa isang acting workshop ang versatile actress na si Gelli de Belen.
Lahad niya sa House of Honorables, “Matangkad ako, nung bata ako. Matangkad ako kumpara dun sa mga kaklase ko so sabi ng mga tao, parang 'Uy! Puwede ka maging beauty queen o kaya supermodel.”
“So, inisip ko talaga nun na baka puwede. Tapos, nung bata ako meron din acting lessons. So sabi ko, 'puwede ako maging artista kasi madrama naman akong tao,'”dagdag pa niya.
“OA naman akong tao. So, sumali ako sa acting lessons, kaklase ko si Gelli de Belen. Grabe! Kaklase ko si Gelli de Belen, kapatid ni Janice!”
Nagkaroon pa ng pagkakataon na siya ang humalili kay Gelli nang umabsent ito sa isang theater play dahil mine-morize ni Kara ang lines ng kapatid ni Janice de Belen.
Proud na kuwento niya, “Pero mine-morize ko pati 'yung lines ni Gelli de Belen, e nag-absent si Gelli de Belen. PRINCESS! [points to herself]. Thank you Gelli, nag-absent ka. Nagkaroon ako ng limelight kahit papaano konti lang.”
Napa-comment naman si Madam Cha sa naging desisyon ni Kara na mag-take ng acting lessons noon.
Aniya, “Tsaka minsan, gusto mo mag-aral ng acting workshop hindi naman dahil talagang magiging artista ka na kaagad. Alam mo naman siguro 'yun sa sarili mo 'di ba. Bakit ba ako nagte-tennis magiging Alex Eala ba ako!”
“Minsan, gusto lang natin siya gawin. At least kung magkaroon ako ng opportunity na maging artista ready ako.”
Noong July, muling pumirma ng kontrata si Kara David sa Kapuso Network at ipinagdiriwang din niya ang kaniyang 30th anniversary broadcast journalism.
Muling panoorin ang kaniyang pagiging resource person sa Your Honor sa video below!
RELATED GALLERY: KARA DAVID'S CONTRACT RENEWAL WITH GMA-7
