Karakter ni David Licauco sa 'Maria Clara at Ibarra,' malayo raw sa kanyang typical roles
Around GMA
Around GMA
'A Knight of the Seven Kingdoms' final trailer sets fun tone for 'Game of Thrones' prequel Over 200 passengers stranded at Cebu City port due to #WilmaPH NAIA is opening more food halls at Terminal 3Article Inside Page
Showbiz News
Gaganap si David Licauco bilang Ilustrado na si Fidel sa 'Maria Clara at Ibarra.'
Malayo raw mula sa kanyang typical roles ang karakter na gagampanan ni David Licauco sa historical portal fantasy series na Maria Clara at Ibarra.
Gaganap si David sa serye bilang Fidel, isang Ilustrado at kaibigan ni Crisostomo Ibarra na role naman ni Kapuso Drama King Dennis Trillo.
"Hindi siya 'yung typical role ko kasi ang typical role ko mayaman na prim and proper. This time, si Fidel mayabang, may pagka-chick boy. It was fun," bahagi ni David sa isang exclusive interview ng GMANetwork.com.
Orihinal na karakter ito sa Maria Clara at Ibarra at wala sa mga nobela ni Jose Rizal. Ayon kay David, magdadala si Fidel ng light moments lalo na at tila salungat ang personality ng karakter nito at karakter na si Ibarra.
"Additional character si Fidel, I would say parang comic reilef. Siyempre si Ibarra is super serious so si Fidel 'yung magpapa-lighten somehow ng mood of the some of scenes," paglalarawan niya sa kanyang role.
Isa sa mga paboritong eksena raw ni David ay ang pagtitipon nina Fidel, Ibarra at iba pang mga Ilustrado.
"'Yung [eksenang] nandoon kami sa table, marami kasing Spanish words, ang haba nung lines ko. It's like five pages. Imagine mo, ang daming Spanish sentences and parang nag-e-explain ka lang na mayabang," paggunita ni David.
Sa tingin din daw niya, isang mahalagang paalala ang Maria Clara at Ibarra sa kasaysayan ng ating bansa.
"Makikita natin 'yung roots kung saan tayo nanggaling and kung paano ipinaglaban 'yung freedom before. Feel ko, kapag pinanood natin 'to, mas magiging grateful tayo na ang dami na nating puwedeng gawin ngayon na hindi nagagawa dati," lahad ng aktor.
Kaya naman iniimbitahan niya ang mga manonood na mag-enjoy at matuto kasama nila.
"Feeling ko maraming matututunan 'yung mga Kapuso natin about fighitng for what is right and what we really want as a person and also not to give up on our dreams," aniya.
Abangan si David Licauco bilang Fidel sa historical portal fantasy series na Maria Clara at Ibarra, Lunes hanggang Biyenes, 8:00 p.m. sa GMA Telebabad.
SAMANTALA, KILALANIN ANG IBA PANG MGA KARAKTER NA MAPAPANOOD SA MARIA CLARA AT IBARRA DITO:
