Around GMA

Article Inside Page

Mapapanood si Pambansang Ginoo David Licauco sa GMA Prime action comedy series na Sanggang-Dikit FR.

Espesyal ang guesting ni David sa serye dahil isa rin itong sneak peek sa karakter niya sa kanyang upcoming action-drama series na Never Say Die.

Gaganap siya dito bilang investigative journalist na si Andrew Dizon.

Mapapadpad si Andrew sa Calabari dahil sa pag-iimbestiga niya sa vigilante group na Santa Babies.

Photo: dennistrillo (Instagram)

"Noong sinabi sa akin na, in a sense, crossover nga ' to para ma-introduce' 'yung character ko dito sa Sanggang-Dikit FR on to the next teleserye which is Never Say Die, siyempre game tayo diyan," pahayag ni David.

Tila reunion din nila ito ni Kapuso Drama King Dennis Trillo na minsan na niyang nakatrabaho sa mga seryeng Maria Clara at Ibarra at Pulang Araw.

"To be honest, na-miss kong katrabaho si Dennis kasi my past two teleseryes siya 'yung kasama ko. Seeing him again, na-excite ka kasi siyempre hindi naman everyday makakatrabaho mo si Dennis 'di ba?" lahad niya tungkol sa co-star.

Nagsisilbing inspirasyon din daw si Dennis para pagbutihan ni David ang kanyang trabaho.

"I really had to study. Every time na I step on to the scene, parang I have to step up," bahagi niya.

Panoorin ang buong panayam ni Athena Imperial kay David Licauco sa 24 Oras.

Samantala, mapapanood ang Never Say Die sa GMA Prime sa 2026.

Makakasama ni David dito si Star of the New Gen Jillian Ward, pati na sina Richard Yap, Kim Ji-soo, Analyn Barro, at Raheel Bhyria.

Bahagi rin ng cast sina Raymart Santiago, Angelu de Leon, Wendell Ramos, Ayen Munji-Laurel, Jonathan Villoso, at Ms. Gina Alajar

Bago nito, tunghayang din si David Licauco bilang investigative journalist na si Andrew Dizon sa Sanggang-Dikit FR, Lunes hanggang Biyernes 8:55 p.m. sa GMA Prime.

May same-day telecast din ito tuwing 10:30 p.m. sa GTV.

Naka-livestream ito nang sabay sa Kapuso Stream.